Gumaraah Yuvaaon Ke Haathon Ke Har Patthar Aur Hathiyaar Se Kashmir Asthir Hota Hai Modi

India »

Gumaraah Yuvaaon Ke Haathon Ke Har Patthar Aur Hathiyaar Se Kashmir Asthir Hota Hai Modi

Shreenagar Do din ke daure par Jammu-Kashmir pahunche pradhaanamantri Narendra Modi shanivaar ko sabse pehle leh, shreenagar aur fir Jammu gaye. Yahaan pattharabaajon ki samasya par unhonne shreenagar mein kaha ki gumaraah yuvaaon ki or se uthaaya gaya pratyek patthar aur hathiyaar Jammu-Kashmir aur desh ko asthir karta hai. Modi ne iske saath hi raajya ke logon se is asthirta se baahar aane ke liye prayaas karne ka aahvaan kiya. Ramajaan ke maheene ke dauraan aatankvaad nirodhak abhiyaan rokane ki ghoshana ke baad Modi pehli baar raajya ke daure par hain. Unhonne kaha ki raajya mein videshi taakatein sakriya hain jo Jammu-Kashmir ka vikaas naheen chaahati. Unhonne kaha, 'Gumaraah yuvaaon dvaara uthaaya gaya pratyek patthar aur pratyek hathiyaar unke apne Jammu Kashmir ko asthir karta hai. Raajya ko is asthir maahaul se baahar aana hoga. ' Modi ne kaha ki yuvaaon ko apne aur aane waali peedhiyon ke bhavishya ke liye Bhaarat aur Kashmir ke vikaas ki mukhyadhaara mein shaamil hona padega. Padhein: Jammu mein bole PM Modi, 'Betiyon ne har kshetr mein apne pradarshan se badhaaya ham sab ka maan' PM ne kaha ki kendra aur raajya sarkaar ke paas raajya ke vikaas muddon ko sulajhaane ke liye neeti, iraada aur nirnaya karne ki kshamata hai. Unhonne kaha, 'Main sabhi se aagrah karta hoon ki ve raajya ke vikaas mein apni oorja lagaaen. Sabhi samasyaaon ka hal keval vikaas, vikaas aur vikaas hai. ' pradhaanamantri Modi ne desh ko 330 megawatt kishnaganga bijli pariyojana samarpit ki, jiska nirmaan Kashmir ke gurej kshetr mein hua hai. Shaanti aur sthaayitv ka koi vikalp naheen hota. Mera aagrah hai ki jo naujavaan raasta bhatak gaye hain, vo mukhyadhaara mein lautein. … https: //t. Co/2boyqkgiXv— PMO India (@PMOIndia) 1526721856000 42.1 kimi lambi ring road ki rakhi aadhaarashila Modi ne iske saath hi shreenagar sthit sher-A-Kashmir antararaashtreeya sammelan kendra (esakeaaiseesi), shreenagar mein shreenagar ring road ki aadhaarashila rakhi. 42.1 kilometer lambi chaar len waali shreenagar ring road pashchim shreenagar sthit galaandar ko baandeepora jile mein sunbal se jodegi. Shreenagar mein ring road ka uddeshya in shaharon mein yaataayaat ki saghanata ko kam karna aur sadak yaatra ko surakshit, tej, adhik suvidhaajanak aur adhik paryaavaran anukool banaana hai. Padhein : Leh mein PM Modi ne Asia ki sabse lambi jojila surang ki rakhi aadhaarashila 'Pariyojana saunpane ka kaaryakram ramajaan ke pavitra maah mein ho raha hai' Unhonne kaha, 'Pradhaanamantri banane ke baad ek varsh bhi aisa naheen beeta jab mainne raajya ka daura naheen kiya. Yeh maheena paigambar mohammad ki shikshaaon aur sandesh ko yaad karne ka hai. Unke jeevan se samaanata aur bhaaichaare ka paath desh ko sahi maayane mein aage le ja sakta hai. ' pradhaanamantri ne kaha ki yeh ek khushi wala sanyog hai ki pariyojana saunpe jaane ka samaaroh ramajaan ke maheene mein ho raha hai. PM ne bataaya, 'Yeh pariyojana raajya ko na keval muft balki raajya ko paryaapt bijli muhaiya karaaegi. Raajya ki bijli ki jarooraton ko poora karne ke liye bijli ke ek bade hisse ki aapoorti desh ke anya hisson se hoti hai. 330 megawatt ki yeh pariyojana bijli ki kami ke mudde ko kaafi had tak sulajha degi. '

Gumaraah Yuvaaon Ke Haathon Ke Har Patthar Aur Hathiyaar Se Kashmir Asthir Hota Hai Modi http://www.angrejinews.com/pic/205906