Gujarat Mein Pravaasi Majadooron Par Hamlon Se Alpesh Ke Raajaneetik Vajood Par Aa Sakta Hai Sankat

Breaking »

Gujarat Mein Pravaasi Majadooron Par Hamlon Se Alpesh Ke Raajaneetik Vajood Par Aa Sakta Hai Sankat

Subodh ghildiyaal, nai Delhi Haal ke dinon mein OBC leedar ke taur par teji se ubharane vaale alpesh thaakor jaise udaaharan raajaneeti mein bahut kam milte hain. 42 varsheeya thaakor us vakt charcha mein aae, jab haardik Patel ne Patel samudaaya ke logon ko OBC kaitigri ke tahat aarakshan diye jaane ke liye aandolan chheda tha. Tab thaakor ne OBC jaatiyon ko yeh kehte hue ekajut karne ka prayaas kiya tha ki yadi paateedaaron ko yeh aarakshan milta hai to unka hissa kamjor ho jaaega. Haardik Patel aur alpesh thaakor ne khud ko pratidvandvi taakaton ke taur par sthaapit kiya tha, lekin baad mein dalit leedar jignesh mevaani ke saath milkar teenon ne BJP ko takkar dene ka prayaas kiya. Thaakor vidhaayak bane aur Congress party mein unka kad bada ho gaya. Haalaanki Bihar ke ek yuvak dvaara ek bachchi ke rape ki ghatna ke baad UP aur Bihar ke logon ke khilaaf hinsa bhadkaane ke aaropon ke baad vah ghir gaye hain. Padhein: Gujarat se palaayan par Modi ne diya yeh sandesh Kai logon ka maanana hai ki yeh vivaad unke raajaneetik vajood ke liye bada sankat ban sakta hai. Congress alpesh ko Bihar aur UP mein pichhde neta ke taur par praujekt karna chaahati thi, lekin vah jin pravaasiyon ke khilaaf hinsa bhadkaane ke aaropon mein ghire hain, vah inhi raajyon se hain. Sootron ke mutaabik jab Gujarat ke neta shakti Singh gohil ko April mein Bihar ka Congress prabhaari banaaya gaya tha. Tab unhonne yuva alpesh thaakor ko Bihar mein apne sahaayak ke taur par chuna tha. Sootron ke mutaabik alpesh ko Bihar ka sah-prabhaari banaae jaane ke peechhe yeh rananeeti thi ki mandal raajaneeti vaale raajya mein unhein sthaapit kar OBC votars ko lubhaaya jaae. Unke yuva hone aur achhe sangathanakarta hone ke gun ne party ko prabhaavit kiya tha. Iske chalte hi party ko lagta tha ki unke chehare ka laabh North India mein liya ja sakta hai. Gujarat hinsa: DGP aur mukhya sachiv ko notice Thaakor aur unki 'Gujarat kshatriya thaakor sena' ke vidiyo vaayaral ho rahe hain. In vidiyoj mein unhein aur unke saathiyon ko pravaasi majadooron ke khilaaf logon ko bhadkaate dekh ja raha hai. Aise mein yeh alpesh thaakor ke OBC neta ke taur par ubhaar ke liye bada sankat ban sakta hai. Haalaanki thaakor ne ab daimej control karte hue kaha hai ki meri hinsa mein koi bhoomika naheen hai aur ab vah sadbhaavana upavaas par baithane ki baat kar rahe hain. Yahi naheen unhonne UP aur Bihar ke mukhyamantriyon ko patra likhkar safaai bhi di ki vah aur unki sena is hinsa mein shaamil naheen the. Yahaan tak ki pravaasi logon ko unhonne 'Mere bhaai' likhkar sambodhit kiya. Gujarat mein lage naare, Kadhuaa bhagaao, desh bachaao Congress ne bhale hi BJP par kaauntar ataik kiya hai aur thaakor ka bachaav karne ka prayaas kiya, lekin hindi bhaashi kshetr mein alpesh ka raajaneetik bhavishya isi baat se tay hoga ki is maamale mein kitna daimej control ho paata hai. Yadi aisa naheen hota hai to alpesh ka raajaneetik bhavishya ek sankat mein ghir jaaega. Rahul Gandhi khud is maamale par unhein bulaakar unase safaai maang chuke hain.

Gujarat Mein Pravaasi Majadooron Par Hamlon Se Alpesh Ke Raajaneetik Vajood Par Aa Sakta Hai Sankat http://www.angrejinews.com/pic/227938