Gujarat Mein Agar Lokaayukt Hota To Salaakhon Ke Peechhe Hote 'Chaukeedaar Modi Rahul

Breaking »

Gujarat Mein Agar Lokaayukt Hota To Salaakhon Ke Peechhe Hote 'Chaukeedaar Modi  Rahul

File photo File photo Botaad (Gujarat): Rahul ne aaj kaha ki agar Gujarat mein lokaayukt evam RTI aayukt kaam kar rahe hote to Narendra Modi jail mein chale gaye hote. Unhonne bhaajapa ke pradhaanamantri pratyaashi par maamooli laabh ke liye bahut si jameen adaani ko dene ka bhi aarop lagaaya. Rahul ne bhaavanagar Loksabha seat ke tahat botaad kasbe ke devagadh baariya mein ek vishaal rally ko sambodhit karte hue kaha, 'Vahaan koi lokaayukt evam RTI aayukt naheen hai. Yahaan High Court ne kaha ki RTI niyukt karo. . Yahaan 10 (aayukt) hone chaahiye, lekin yahaan paanch bhi naheen hain. ' unhonne kaha, 'Doosare raajyon mein lokaayukt hote hain, lekin Gujarat mein lokaayukt naheen hai. Jo adhikaari bhrashtaachaar ko pakadta hai vah yahaan naheen hai. ' Rahul ne kaha, 'Jab lokaayukt aaege, jab RTI aayukt niyukt honge aapka chaukeedaar andar chala jaaega (jail mein). ' Rahul ka seedha hamla Modi par tha jo prachaar mein apne ko aisa ''Chaukeedaar'' bataate aaye hain jo satta mein aane ke baad bhrashtaachaar ko khatm kar dega. Gujarat mein lokaayukt ko 10 saal ki lambi avadhi ke baad December 2013 mein niyukt kiya gaya tha. Rahul ne vikaas ke Gujarat maadal par prahaar karaate hue kaha ki yeh kuchh aur naheen balki 'Adaani model hai. '

Gujarat Mein Agar Lokaayukt Hota To Salaakhon Ke Peechhe Hote 'Chaukeedaar Modi Rahul http://www.angrejinews.com/pic/48728