Gujarat Ki Chunaavi Jang Ke Beech Modi-Rahul Ke 'Meethe Bol

Breaking »

Gujarat Ki Chunaavi Jang Ke Beech Modi-Rahul Ke 'Meethe Bol

Nai Delhi Gujarat mein jabaradast chunaav prachaar mein PM Modi aur Rahul Gandhi ek doosare par nishaana saadhane mein kasar naheen chhod rahe hain. Ek taraf pradhaanamantri Modi ne Pakistan ke adhikaariyon ke saath Congress netaaon ki kathit baithak ko lekar savaal kiye to doosari taraf Rahul Gandhi ne yeh kehkar tanj kasa ki PM Pak aur cheen ki baat to karte hain lekin apne gruh raajya Gujarat ko bhool jaate hain. Lekin is dauraan PM Modi ne Rahul ko badhaai bhi di aur Rahul Gandhi ne bhi unhein shukriya kaha. Rahul Gandhi ke nirvirodh Congress adhyaksh banane par pradhaanamantri ne unhein badhaai di. Iske baad Rahul ne bhi tweet karke unhein dhanyavaad diya hai. Pradhaanamantri Modi ne tweet karke kaha, 'Main Rahul ji ko Congress adhyaksh banane par badhaai deta hoon. Unke saarthak kaaryakaal ke liye meri shubhakaamanaaen. ' iske baad Rahul Gandhi ne tweet kiya, 'Aapki shubhakaamanaaon ke liye dhanyavaad Modi ji. ' haalaanki somvaar ko sabhaaon ke dauraan PM Modi aur Rahul Gandhi donon ne ek doosare par teekhe hamle kiye. Thank you for your good wishes Modi ji. @narendramodi — Office of RG (@OfficeOfRG) 1513014732000 Rahul ne BJP adhyaksh amit shaah ke bete jaya shaah ki company par chuppi saadhane ke liye bhi PM Modi par savaal uthaae. Daava kiya jaata hai ki unki company ka tarnaovar BJP ke kendra mein sattaarudh hone ke baad kai guna badh gaya. Rahul ne kaha, 'Modi Gujarat mein apne prachaar ka mudda lagaataar badal rahe hain. Pehle narmada ke paani par baat ki gayi lekin jab kisaanon ne kehna shuroo kiya ki unke kheton tak paani pahuncha hi naheen to Modi ne patari badal di aur OBC muddon par bolne lage. Jab logon ne use bhi pasand naheen kiya to vah vikaas ke muddon par chale gaye lekin logon ne iski bhi hava nikaal di. ' Banaasakaantha jile mein unhonne ek sabha mein Rahul ne kaha, 'Ab Modi ji Afghanistan, cheen, Pakistan aur Japan ki baat karte hain. Modi ji, yeh chunaav Gujarat ke bhavishya ko lekar hai. Krupaya Gujarat ke baare mein bhi kuchh boliye. Rahul ka ishaara saaf taur par pradhaanamantri ke kal ke bayaan ki taraf tha jismein unhonne kaha tha ki Pakistan Gujarat vidhaanasabha chunaavon ko prabhaavit karne ka prayaas kar raha hai aur manishankar ayyar ke neech vaale bayaan se ek din pehle ayyar ke aavaas par us desh ke kuchh vartamaan aur poorv adhikaariyon ki baithak hui thi. Congress neta ne kaha ki pichhle kuchh dinon mein apne bhaashanon mein pradhaanamantri ne apna aadha vakt Congress ki aalochna mein bitaaya hai. ' Rahul ne kaha ki Congress agar Gujarat mein satta mein aati hai to das dinon ke andar kisaanon ke rin maaf kar diye jaaenge. Udhar pradhaanamantri Modi ne kaha ki Gujarat mein parivartan har kisi ke liye hai lekin afsos ki baat hai ki Congress ki dhaarana keval teji se paisa banaane ki hai. Unhonne kaha, 'Yahi vajah hai ki ve badlaav karne mein asamarth hain. ' Pakistan ke poorv videsh mantri aur uchchaayukt ke saath dinr meeting ke PM Modi ke aaropon par poorv pradhaanamantri Manmohan Singh ne chuppi todte hue jordaar palatavaar kiya aur kaha ki Gujarat mein haar ko dekhkar Modi baukhala gaye hain aur jhooth faila rahe hain. Poorv PM ne baithak ke dauraan Gujarat par charcha se saaf taur par inkaar kiya hai. Is par vitt mantri Arun Jaitley ne kaha ki yeh kaafi hairaan karne wala hai. Unhonne kaha ki Congress ke varishth netaaon ne raashtra neeti se alag jaakar yeh baithak ki aur unhein desh ko samajhaana chaahiye ki iski kya jaroorat thi. Jaitley ne is dauraan sharm-al-shekh ka bhi jikr kiya . (bhaasha se inputs ke saath)

Gujarat Ki Chunaavi Jang Ke Beech Modi-Rahul Ke 'Meethe Bol http://www.angrejinews.com/pic/183600