Gujarat Ka Bhoomi Adhigrahan Model Sabse Behtar Vaanijya Mantraalaya

Breaking »

Gujarat Ka Bhoomi Adhigrahan Model Sabse Behtar  Vaanijya Mantraalaya

Nai Delhi: vaanijya evam udyog mantraalaya ki or se praayojit ek report mein bhoomi adhigrahan ke Gujarat model ko sarvotkrusht bataaya gaya hai. Ismein kaha gaya hai ki kaarobaari vaataavaran sudhaarane ke liye anya raajya bhi kuchh badlaav ke saath ise apna sakte hain. audyogik neeti va sanvardhan vibhaag (deeaaipeepi) ki or se paraamarsh farm ekseinchar dvaara taiyaar report 'Bhaarat mein raajyon-sangh shaasit raajyon mein kaarobaari vaataavaran sudhaarane ki uttam vyavastha' mein shram prabandhan aur vyaapaar evam nivesh suvidha pranaali se jude muddon par Karnataka aur Maharashtra mein utkrusht vyavastha ki bhi charcha ki gayi hai. report mein kaha gaya hai, 'Haalaanki humne bhoomi se sambaddh hastakshep ke liye Gujarat audyogik vikaas nigam (jeeaaideesi) model ko pradarshit karna uchit samjha, kuchh anya raajyon ne udyog lagaane ke liye bhoomi haasil karne mein kaarobaariyon ki madad ke liye pahal ki hai. ' gaurtalab hai ki bhoomi adhigrahan maujooda Loksabha chunaavon mein vivaadaaspad mudda ban gaya hai, jismein Congress Narendra Modi neet Gujarat sarkaar par udyog gharaanon ko sasti keemat par jameen dene ka aarop laga rahi hai. report mein kaha gaya hai, 'Gujarat mein ek bahut saral bhoomi adhigrahan prakriya hai, jismein nyoonatam pratyaksh sarkaari hastakshep hai. Ek udyami bahut kam baadhaaon ke saath teji se bhoomi adhigrahan ke liye jeeaaideesi se sampark kar sakta hai. ' paryaavaran sambandhi manjooriyon ke maamale mein report mein Gujarat pradooshan niyantran board dvaara apnaai gayi pranaali ki saraahana ki gayi hai.

Gujarat Ka Bhoomi Adhigrahan Model Sabse Behtar Vaanijya Mantraalaya http://www.angrejinews.com/pic/49782