Gujarat Chunaav Modi, Rahul Ya Haardik, 18 December Ko Khulega 2019 Ka Raasta

Breaking »

Gujarat Chunaav Modi, Rahul Ya Haardik, 18 December Ko Khulega 2019 Ka Raasta

Ahmedabad Gujarat vidhaanasabha chunaavon ke doosare daur ke liye somvaar ko donon pramukh dalon, BJP aur Congress ne jamkar prachaar kiya. Yeh prachaar Gujarat ke power seintaron Ahmedabad aur Gandhinagar mein keindrit dikha. PM Modi ne jahaan saabaramati rivrafrant par rally ko sambodhit kiya, vaheen Rahul Gandhinagar mein bole. Yaheen haardik Patel ne bhi 52 kilometer ka road sho kiya. Modi aur Rahul ke baad haardik Patel in chunaavon ke teesare aham chehare ke roop mein saamane aae hain. Vidhaanasabha chunaavon mein in teenon netaaon ka kaafi kuchh daanv par laga hai. Gujarat vidhaanasabha chunaavon se 2019 mein hone vaale aam chunaavon ki tasveer bhi banani hai. PM Modi ke liye yeh chunaav itna aham hai ki agar BJP ko 2012 se kam seatein (116) mileen to bhi jhatka hoga. BJP ki seatein kam bhi huin to bhi Modi ke liye aage ka raasta kathin ho jaaega. Vaheen BJP ke daave ke mutaabik agar use Gujarat mein record seatein mileen to iska asar 2019 ke aam chunaavon mein party ke pradarshan par bhi behtar padega. Somvaar ko Rahul Gandhi Congress adhyaksh nirvaachit hue hain. Aise mein agar Gujarat chunaavon mein Congress ko jeet mili to isse unki taajaposhi ko aur majabooti milegi. Vaheen doosari or agar Congress ki haar hui aur seatein ghateen to unke netrutv kshamata par bhi savaal khade honge. Party adhyaksh banane ke baad Rahul ke liye Gujarat vidhaanasabha chunaav pehli pareeksha saabit hone ja rahe hain. Do dashakon se adhik samay ke baad Congress ko Gujarat mein jeet ki ummeed najar aa rahi hai. 22 saalon baad party ko Gujarat mein jeet dilaane ke liye Rahul kaafi aakraamak prachaar mein bhi jute hue hain. Paateedaar aarakshan aandolan ke neta aur ab Gujarat chunaavon mein BJP ke virodh ka prateek bane haardik ke liye bhi Gujarat chunaav aage ka raasta tay kareinge. Haardik ne somvaar ko apne rodasho ke dauraan kaha bhi ki vah dedh saal baad sakriya raajaneeti mein aa sakte hain. Haardik 2019 mein 25 saal ke hote hi chunaav ladne ke yogya ho jaaenge. Agar paateedaar aandolan ka asar Gujarat chunaavon ki voting par naheen pada aur BJP ko shikast naheen mili to haardik ka raajaneetik bhavishya bhi andhakaar mein ja sakta hai. Pehle charan mein kam voting BJP ke liye chinta ki baat Raashtreeya swayamsevak sangh ke ek aantarik sarve mein BJP ko 100 se 110 seatein milne ki sambhaavana jataai gayi hain. Yeh 2012 ke mukaabale thodi hi kam hain. Sangh ne paateedaar aandolan ki vajah se soorat aur Saurashtra mein kuchh jagahon par BJP ki haar ki aashanka jataai hai. Vidhaanasabha chunaavon ke pehle charan mein 19 jilon ki 89 seaton par voting ho chuki hai. 2012 ke mukaabale (68 feesadi) 2017 ke in chunaavon mein kam voting (66.75 feesadi) dekhne ko mili hai. Yeh BJP ke liye chinta ki baat ho sakti hai. Jeetoo vaghaani, bhaargav bhatt aur keindreeya mantri manasukh mandaviya jaise BJP ke varishth neta doosare charan mein adhiktam voting karaane ki koshishon mein jute hue hain. Haalaanki BJP ki raajya unit ke ek bade neta ka daava hai ki kam voting ka ek matlab yeh bhi hai ki paateedaar aandolan ko patelon par koi khaas asar naheen pada hai. Congress ko ummeed 1995 mein pehli baar Gujarat mein BJP ki sarkaar banane ke baad se Congress soobe ki satta se baahar hai. 'Vikaas gaando thayo chhe' jaise mim, paateedaar aarakshan aandolan, una mein dalit utpeedn ke baad shuroo hue aandolan ke alaava varishth neta Ahmad Patel ke Rajyasabha mein pahunchane mein mili safalta ke baad Congress ko taakat mili hai. Gujarat chunaavon mein Congress ko haardik ke alaava OBC neta alpesh thaakor ka bhi saath mila hai. Rahul Gandhi ne Gujarat chunaavon mein kaafi prachaar kiya hai aur voteron ko lubhaane ki koshish ki hai. Prachaar ke dauraan Rahul Gujarat ke 26 mandiron ki yaatra bhi kar chuke hain. Congress ne iske jariye sauft hindutv ko apnaane ka sanket bhi diya hai. In paristhitiyon mein Congress bhi soobe ki satta mein vaapasi ki ummeed se hai. Haardik bane thard factor Somvaar ko Ahmedabad mein 52 kilometer ka road sho nikaal haardik saare record tod chuke hain. Haardik ko paateedaaron ka kaafi samarthan bhi milta dikh raha hai. Agar paateedaar aarakshan aandolan ka asar voting par pada to Saurashtra, dakshin aur keindreeya Gujarat ki 40 se adhik vidhaanasabha seaton ke parinaam isse tay honge. Aise mein haardik is baar ke Gujarat vidhaanasabha chunaav mein thard factor ke taur par ubhare hain.

Gujarat Chunaav Modi, Rahul Ya Haardik, 18 December Ko Khulega 2019 Ka Raasta http://www.angrejinews.com/pic/183617