Gruh Mantraalaya Ne Saat Aur Daya Yaachikaaen Raashtrapati Ko Bhejeen

Breaking »

Gruh Mantraalaya Ne Saat Aur Daya Yaachikaaen Raashtrapati Ko Bhejeen

Nai Delhi: Daya yaachikaaon ke lambit maamalon mein prakriya tej karte hue gruh mantraalaya ne saat maamale raashtrapati Pranab mukharji ko antim faisale ke liye bheje hain. In saat maamalon mein nau log doshi hain. Abhi haal hi mein raashtrapati dvaara daya yaachikaaen naamanjoor kiye jaane ke baad Mumbai aatanki hamle ke doshi Ajmal kasaab aur sansad bhavan par hamle ke doshi Afzal guroo ko faansi di gayi hai. Pichhle ek pakhavaade mein gruh mantraalaya ki sifaarish ke saath jin daya yaachikaaon ko raashtrapati ke paas bheja gaya hai, unamein sundar Singh, jafar Ali, praveen Kumar, gurameet Singh, dharamapaal, suresh aur raamaji, soniya aur sanjeev shaamil hain. Uttaraakhand ke Singh ko balaatkaar aur hatya ka doshi karaar diya gaya hai. Uttar pradesh ke jafar Ali par patni aur paanch betiyon ki hatya ka dosh hai. Karnataka ka praveen Kumar ek parivaar ke chaar sadasyon ki hatya ka doshi hai. Uttar pradesh ka hi gurameet Singh ek parivaar ke 13 sadasyon ki hatya ka doshi hai. Haryana ke dharamapaal ne balaatkaar ke ek maamale mein jamaanat milne ke baad paanch logon ki hatya ki thi. Suresh aur raamaji ne bhaai ke parivaar ke paanch sadasyon ki hatya ki thi. Haryana ki soniya aur sanjeev ne sautele bhaai aur uske parivaar ke sadasyon ki hatya ki thi, jinmein teen naabaalig the. Raashtrapati Pranab mukharji ne maut ki saja paae aath logon ki daya yaachikaaon ka nistaaran kar diya hai.

Gruh Mantraalaya Ne Saat Aur Daya Yaachikaaen Raashtrapati Ko Bhejeen http://www.angrejinews.com/pic/1898