Ground Report Nirbhaya Par Kiye Gaye Bas Jhoothe Vaade

Breaking »

Ground Report Nirbhaya Par Kiye Gaye Bas Jhoothe Vaade

Dinesh chandra mishr, baliya chaar saal pehle 16 December ko Delhi mein baliya ki jis bitiya ki ijjat lootakar berahmi se maar daala gaya, uske baad kendra va pradesh sarkaar ne dheron yojanaaon ke saath ghoshanaaen ki, aaj sab adhoori padi hai. Jis bitiya ko desh ne nirbhaya naam diya, usaka gaanv medavara kala aaj uske naam par netaaon ke khokhale vaadon ko lekar gusse mein hai. Nirbhaya ke Baba laalaji Singh ne ka ki netaaon ke vaadon ka kabragaah bana gaya hai, bitiya ka gaanv. Jo ghoshanaaen hui thi adhikaansh aadhi-adhoori padi hain to kuchh par amal to door koi naam lene wala bhi naheen hai. Nirbhaya ke Baba ka netaaon ke vaadon aur ghoshanaaon ko apne gaanv ko kabragaah bataane ke baad bhi gussa shaant naheen hota hai. Vah kehte hain yeh mera hi naheen desh ka durbhaagya hai yahaan janta ko naheen netaaon ko sirf nyaaya milta hai. Desh ke saansad apne svaarth ke liye sansad ke saath desh ko thap kar dete hain lekin kisi bitiya ki ijjat lootakar berahmi se maar daalne vaalon ko purnavaas ke naam par vote bank ki raajaneeti karte hain. Nirbhaya ke Baba ke dil se nikal rahe netaaon ke prati nafarat ke bol yaheen naheen thamate hain, poochhate hain vah log kahaan gaye jo aatankvaadi yaakoob meman ko bachaane ke liye raashtrapati ko chiththi likhkar nyaaya ki guhaar lagaae lekin ek bitiya ke saath nar pishaach ki tarah pesh aae naabaalig duraachaari ko aajaad karne par unke honth sil gaye the. Unhonne kaha kaanoon banaane vaalon ko janta ki naheen sirf vote ki fikr hai. Jab tak sarkaar rape karne vaalon ko seedhe faansi par naheen latakaaegi tab tak aise jurm hote raheinge. Meri bitiya ki tarah tamaam betiyaan marati rahegi, neta sansad aur vidhaanasabha mein baithakar sirf vote bank ki raajaneeti kareinge. Sarkaar ke vaadon ka yeh hai haal 16 December 2012 ko nai Delhi mein bahucharchit balaatkaar aur hatya ki aaparaadhik ghatna, jis peedita ko naam nirbhaya diya gaya tha, usako lekar kendra ki tatkaaleen Congress sarkaar ke saath pradesh ki sapa sarkaar ke beech hod mach gayi thi. Pradesh sarkaar ne nirbhaya ke gaanv mein aspataal banaane ki ghoshana ki thi. Chaar saal ho gaye, jis jameen par yeh banana hai usaki chahaaradeevaari ka bhi kaam adhoora hai. Bitiya ke gaanv mein ek intar kaalej ke sthaapana ki bhi ghoshana hui thi, is disha mein aaj tak ek int bhi rakhane ka kaam naheen hua. Nirbhaya ke parivaar ke chaar logon ko naukri dene ki bhi ghoshana hui thi, yeh vaada bhi hava mein hai. Bitiya ke gaanv mein jaane ke liye kachchi sadak ko pakki banaane ki bhi ghoshana adhoori hi hai. Ilaake ke bhaajapa vidhaayak upeindr tivaari kehte hain pradesh sarkaar ko ghoshanaaon ki yaad dilaane ke liye kai baar vidhaanasabha mein savaal utha chuka hoon lekin lekin sarkaar bajat na hone ki baat kehkar haath khada kar deti hai.

Ground Report Nirbhaya Par Kiye Gaye Bas Jhoothe Vaade http://www.angrejinews.com/pic/136350