Greater Noida Mein School Bas Durghatanaagrast, Ek Bachche Ka Haath Kata

Breaking »

Greater Noida Mein School Bas Durghatanaagrast, Ek Bachche Ka Haath Kata

Greater Noida: Noida−greater Noida mein ek baar fir se ek school bas haadase ka shikaar hui hai. Taaja maamala greater Noida ke beeta sector ke vishv bhaarati school ka hai. School ki bas sadak haadase ka shikaar ho gayi, jismein chhah se jyaada bachche aur teacher ghaayal ho gaye. Is haadase mein ek bachche ka haath kat gaya. Ghaayal bachche ko turant ilaaj ke liye ems laaya gaya, lekin jaisa abhibhaavak chaahate the, vaisa ilaaj karne se ems ne mana kar diya, jiske baad bachche ko Delhi ke niji aspataal mein bharti karaaya gaya hai. Noida−greater Noida mein school bas haadason ki taadaad mein badhotri hui hai, jisse schoolon ki laaparavaahi ki baat ko bal milta hai. Vaheen desh ke naami aspataalon mein se ek Delhi ke ems mein sansaadhanon ki kami ka maamala bhi is ghatna se saamane aaya hai. sadak haadase mein ek haath kat jaane vaale bachche ko ilaaj ke liye ems mein laaya gaya tha. Ilaaj ke dauraan ems prashaasan ne bataaya ki uske paas aise sansaadhan naheen hain ki bachche ke haath ka ilaaj kiya ja sake. Iske baad ghaayal bachche ko Delhi ke ek niji aspataal mein bharti karaaya gaya, jahaan usaka ilaaj kiya ja raha hai.

Greater Noida Mein School Bas Durghatanaagrast, Ek Bachche Ka Haath Kata http://www.angrejinews.com/pic/50423