Greater Noida BJP Neta Se Rangadaari Maangane Vaale Badmaash Ka Enakaauntar

Breaking »

Greater Noida BJP Neta Se Rangadaari Maangane Vaale Badmaash Ka Enakaauntar

Greater Noida UP mein aparaadhiyon ke khilaaf police ke enakaauntar jaari hain. Somvaar raat police aur badmaashon ke beech hui muthabhed mein ghaayal badmaash ki maut ho gayi hai vaheen do policekarmi ghaayal ho gaye hain. BJP neta se rangadaari maangane vaale mukeem kaala gang ke in badmaashon ki police ko talaash thi. Maare gaye badmaash ki pehchaan Haryana ke badmaash sanjaya ke roop mein hui hai. Sanjaya par 25 hajaar rupaye inaam tha. Mukeem gang ke badmaashon ne 2 din pehle BJP neta pushkar prataap Singh se 50 lakh rupae ki rangadaari maangi thi. Is maamale mein kaasana kotavaali mein mukeem kaala gang ke badmaash ke khilaaf report darj karaai gayi thi. Peedit BJP neta UP ke khel mantri chetan chauhaan ke rishtedaar bataae jaate hain. Is maamale mein police badmaashon ki talaash mein saragarmi se juti thi. Somvaar der shaam police ko soochana mili thi ki rangadaari maangane vaale badmaash greater Noida ilaake mein ghoom rahe hain. Soochana ke aadhaar par police omeekron sector ke aaspaas badmaashon ki talaash kar rahi thi. Isi dauraan badmaashon ke saath police ki muthabhed hui. Do badmaash mauke se faraar ho gaye.

Greater Noida BJP Neta Se Rangadaari Maangane Vaale Badmaash Ka Enakaauntar http://www.angrejinews.com/pic/193447