Gotaskaron Par Police Ki Sakhti Naheen Hone Se Gorakshak Sadkon Par Aae Yogaguru Raamadev

Breaking »

Gotaskaron Par Police Ki Sakhti Naheen Hone Se Gorakshak Sadkon Par Aae Yogaguru Raamadev

Jaipur Yogaguru Baba raamadev ne kaha hai ki gotaskari rokane mein police aur prashaasan ko jitni sakhti se kaarravaai karni chaahiye, vah naheen hone ke kaaran gorakshakon ko sadkon par aana padta hai. Ek kaaryakram mein bhaag lene aae raamadev ne samvaadadaataaon se kaha, 'Avaidh tareeke se jo log gaayon ko katlakhaanon mein katavaate hain, unke khilaaf sakht kaarravaai honi chaahiye. ' Raamadev ne kaha ki kuchh gorakshak jyaadati kar dete hain jinke chalte 90 pratishat gorakshakon ki chhavi dhoomil hoti hai. Un‍aahonne kaha ki gohatyaaron ke khilaaf koi naheen bolata hai. Gohatyaaron ko protsaahan kyon milta hai, yeh katai naheen hona chaahiye. Yadi kisi ne katlakhaane ka license bhi le rakha hai aur gaayon ko le ja raha hai to ham iske pakshadhar naheen hai. Poorn gohatya rokane ki pairavi karte hue Baba raamadev ne kaha ki pradhaanamantri Narendra Modi jaisa raashtrabhakt aur gobhakt desh mein aur kaun hoga. Unhein kendra mein poorn gohatya rokane ka kaanoon banaana chaahiye. Haalaanki Baba raamadev ne kaha ki chaar saalon mein kendra ne abhi tak kaanoon naheen banaaya hai aur ham aisa kaanoon banane ki ummeed lagaaye baithai hain. Unhonne desh mein ghuspaithiyon ke ek anya prashn ke javaab mein kaha ki ek bhi aadmi avaidh tareeke se Bhaarat mein naheen rahana chaahiye, fir chaahe vah Bangladesh, Pakistan ya America ka kyon na ho. Bhaarat mein kareeb teen se chaar karod log avaidh roop se rah rahe hain. Aise log kitni badi haani desh ki ankhadata, ekta aur samprabhuta ke liye kar sakte hain jiska andaaja bhi naheen lagaaya ja sakta.

Gotaskaron Par Police Ki Sakhti Naheen Hone Se Gorakshak Sadkon Par Aae Yogaguru Raamadev http://www.angrejinews.com/pic/218241