Google Ke Chairman Dhaai Arab Dollar Moolya Ke Share Becheinge

Business »

Google Ke Chairman Dhaai Arab Dollar Moolya Ke Share Becheinge

Washington: Google ke Chairman erik smid ne apne 'A'' shreni ke 32 lakh share bechne ki yojana banaai hai. Maujooda keemat par inka moolya dhaai arab dollar tak hoga. Google ne pratibhooti evam vinimay aayog ko bheji soochana mein yah jaankaari di hai. Jin sheyaron ki bikri ki ja rahi hai, vah Google Chairman ki company mein 'A' aur 'Bi' shreni ke kul 76 lakh sheyaron ka 42 pratishat tak hain. Unki company mein 2.3 pratishat hissedaari hai, lekin unhein 8.2 pratishat tak mataadhikaar mila hai. Pratibhooti aayog ko bheji gayi jaankaari mein kaha gaya hai ki yah bikri smid ki company mein vyaktigat sheyaron ke vividheekaran aur nakadi ki deerghakaalik rananeeti ka hissa hai aur yah poorv tay yojana ke tahat kiya ja raha hai. Is ghoshana ke baad Google ke share moolya shukravaar ko 1.5 pratishat badhkar ab tak ke nae record star 785.37 dollar par pahunch gaye. Isse smid dvaara beche jaane vaale sheyaron ka moolya 2.51 arab dollar tak pahunch jaaega.

Google Ke Chairman Dhaai Arab Dollar Moolya Ke Share Becheinge http://www.angrejinews.com/pic/1494