Goeyar Ke Do Vimaanon Ko Beech Raaste Se Hona Pada Vaapas

Business »

Goeyar Ke Do Vimaanon Ko Beech Raaste Se Hona Pada Vaapas

Mumbai, 21 October (bhaasha) prait end vhitni company ke engine vaale vimaanon mein lagaataar aayi khaamiyon ke beech ek aur naya maamala prakaaya mein aaya hai. Goeyar ke ek vimaan mein shanivaar ko kalapurje ki khaami ka pata chala jiske kaaran udaan ko beech raaste se vaapas lautana pada. Is vimaan mein bhi prait end vhitni company ka engine laga hua tha. Company ne jaari bayaan mein kaha ki maale ja rahi is udaan ko takaneeki khaami ke kaaran vaapas Delhi mein hi utaarana pada. Iske alaava Delhi aa rahi ek anya vimaan ko kaargo kshetr mein galat alaarm ke bajne ke kaaran vaapas Goa havaaiadda par utaara gaya. Haalaanki, company ne in donon vimaanon mein savaar yaatriyon ki sankhya ki jaankaari naheen di. Goeyar ne ravivaar ko jaari bayaan mein kaha, ''Goeyar ka vimaan jee8 174 Delhi se maale ke liye udaan bharne ke baad ismein takaneeki khaami saamane aa gayi. Maanak parichaalan prakriya ke tahat vimaan ke kaptaan ne Delhi havaaiadde lautane ka nirnaya liya. Vimaan ke utar jaane ke baad khaami ka pata chal gaya aur ek purja badalkar ise theek kar liya gaya. Vimaan pun: Parichaalan mein hai. '' company ne ek anya bayaan mein Delhi-Goa udaan ke vaapas Goa lautane ki jaankaari di. Company ne kaha, ''Goa se Delhi ja rahe vimaan jee8 285 ko saamaan rakhane vaale kshetr mein alaarm baj jaane ke kaaran ehatiyaati taur par Goa havaaiadde par hi utaar liya gaya. '' ullekhaneeya hai ki company ne Delhi aur Mumbai se maale ke liye parichaalan ki shuruaat pichhle hi saptaah shuroo ki hai.

Goeyar Ke Do Vimaanon Ko Beech Raaste Se Hona Pada Vaapas http://www.angrejinews.com/pic/229817