Goa Mein Amitabh, Sachin Aur Manohar Paarrikr Hain Manarega Ke 'Laabhaarthi

Breaking »

Goa Mein Amitabh, Sachin Aur Manohar Paarrikr Hain Manarega Ke 'Laabhaarthi

Panaji: desh mein mahaatma Gandhi raashtreeya graameen rojagaar guaranty yojana (manarega) bhale hi berojagaaron ke liye chalaai ja rahi ho, lekin Goa mein is yojana ke laabhaarthiyon mein Amitabh Bachchan, sachin Tendulkar aur Ricky poting jaisi hastiyon ke naam shaamil hain. gair sarkaari sangathan Goa parivartan manch (jeepeeem) ne soochana ke adhikaar ke tahat manarega ke laabhaarthiyon ki jis soochi ka khulaasa kiya hai unamein Aamir Khan, Kapil Dave, Rahul dravid, saurav Ganguly, Yuvraj Singh aur Goa ke mukhyamantri manohar paarrikr ke naam bhi sammilit hain. is sangathan ka aarop hai ki farji laabhaarthiyon ke naam par kendra ki samprag sarkaar ki is mahatvaakaankshi yojana ke paise gaban ho raha hai. jeepeeem ke sanyojak yaatish naaik ne kaha ki 100 roopaye pratinidin ke hisaab se 150 dinon ki majadoori ki rakam jin laabhaarthiyon ko mili unamein alag alag kshetron ki badi hastiyon ke naam shaamil hain. manarega ke laabhaarthiyon ki yeh soochi chimbel ilaake ki hai. Is sangathan ne raashtrapati pranav mukharji se guhaar lagaai hai ki vah sambandhit adhikaariyon se is ghotaale ki jaanch karne ke liye kahein. jeepeeem ke logon ne aaj Goa ke raajyapaal bi vi vaanachoo se mulaakaat kar is maamale mein dakhal ki maang ki. is soochi mein sachin ki patni aur unke do bachchon ke bhi naam hain. Yahi naheen ismein Amitabh Bachchan ke poore parivaar aur yahaan tak ki unki divangat maan teji ka naam bhi manarega ke laabhaarthiyon ki is soochi mein shaamil hai.

Goa Mein Amitabh, Sachin Aur Manohar Paarrikr Hain Manarega Ke 'Laabhaarthi http://www.angrejinews.com/pic/48725