Ghane Kohare Ke Kaaran Delhi Havaai Adde Ko Band Karna Pada, Kai Udaanon Par Asar

Breaking »

Ghane Kohare Ke Kaaran Delhi Havaai Adde Ko Band Karna Pada, Kai Udaanon Par Asar

Nai Delhi: Delhi mein shukravaar subah ghana kohara chhaaya raha. Kohare ke kaaran indira Gandhi antararaashtreeya havaai adda par lagbhag 50 udaanon mein vilamb huaa, kyonki kohare ki vajah se drushyata ghatkar 50 meter ho gayi. Guruvaar raat se havaai adde par kohara dikhne laga tha aur subah kohara itna ghana ho gaya ki donon runway par drushyata 50 meter se kam ho gayi aur yahaan se udaanein band kar di gain. Jet Airways ki do udaanein - Abu Dhabi aur damaam se aur Lufthansa ki Munich se aane waali udaan ke, subah paanch bajkar 30 minute aur saat bajkar 30 minute ke beech, disha badal di gayi. Haalaanki udaanein radd naheen ki gain, lekin 50 udaanein baadhit raheen aur subah chhah baje koi udaan naheen ja paai, kyonki drushyata ghatkar 125 meter se kam ho gayi. Teesare runway par raat 1 baje kohara badhne laga, jiski vajah se adhikaariyon ko majabooran kam drushyata prakriya (LVP) laagoo karni padi. Mukhya runway par subah chaar bajkar 10 minute par LVP laagoo kiya gaya. Dakshini Delhi aur Noida se Delhi ko jodne vaale tol rod par kohara apekshaakrut jyaada tha. Outer ring rod par drushyata lagbhag shoonya ke kareeb pahunch gayi thi. Pichhle kuchh dinon se rajdhani mein subah ke vakt kohara chhaaya rahata hai, jabki din dhalte hi mausam saaf ho ja raha hai.

Ghane Kohare Ke Kaaran Delhi Havaai Adde Ko Band Karna Pada, Kai Udaanon Par Asar http://www.angrejinews.com/pic/761