General Bikram Singh Ke Baad Lieutenant General Dalabeer Suhaag Honge Bhaarateeya Sena Ke Agale Pramukh

Breaking »

General Bikram Singh Ke Baad Lieutenant General Dalabeer Suhaag Honge Bhaarateeya Sena Ke Agale Pramukh

File photo File photo Nai Delhi: maujooda sena pramukh general bikram Singh ke ritaayarameint ke baad lieutenant general dalabeer suhaag bhaarateeya sena ke agale pramukh honge. Raksha mantraalaya ne kal thalasena ke up-pramukh lieutenant general suhaag ke naam ki sheersh sainya pad ke liye sifaarish ki thi, jise pradhaanamantri Manmohan Singh ki adhyakshata waali cabinet ki niyukti samiti (ACC) ne manjoori de di. isse pehle raksha mantraalaya ne chunaav aayog se hari jhandi milne ke turant baad suhaag ke naam ki yeh sifaarish ACC ko bheji thi. Mantraalaya ne aadarsh aachaar sanhita ke maddenajar is maamale mein chunaav aayog ki rai maangi thi. 59 saal ke lieutenant general suhaag filhaal vaais cheef of army staaf hain aur lieutenant janaralon mein sabse varishth hain. Bal ke pramukh ke taur par unka kaaryakaal 30 maheene ka hoga. Vah general Singh ki jagah leinge, jo 31 July ko sevaanivrut ho rahe hain. chittaudgadh sainik school ke chhaatr rahe suhaag 1970 mein NDA mein shaamil hue the aur June 1974 mein unhein 4: 5 jeeaar (efaef) commission praapt hua tha. General officer Bhaarat aur videshon mein vibhinn career paathyakramon mein shareek hue jinmein CDM Secundarabad mein 1997-98 mein eladeeemasi, 2006 mein nai Delhi mein enadeesi paathyakram, 2005 mein America mein egjakyootiv paathyakram aur 2007 mein kenya mein senior mission leedars paathyakram (sanyukt raashtra) shaamil hain. Sri Lanka mein 'Operation pavan' mein vah company commander the aur Kashmir ghaati mein unhonne July 2003 se lekar March 2005 ke beech aatankvaad rodhi abhiyaanon ke khilaaf 53 veen infaintri briged ki kamaan sambhaali thi. Unhein October 2007 se lekar December 2008 ke beech Kargil mein 8 maaunten diveejan ki commanding ka shreya praapt hai. suhaag ne apne aur poorv sena pramukh general VK Singh ke beech chali rassaakashi ke baad poorvi sena commander ka prabhaar sambhaala tha. Paramparaagat taur par maujooda pramukh ki sevaanivruti se do maheene pehle yeh niyukti ki jaati hai lekin 2012 mein jab bikram Singh ko niyukt kiya gaya tab samprag sarkaar is paripaati se vimukh ho gayi. Us vakt teen maheene pehle hi niyukti kar di gayi thi aur is baar bhi faisala kareeb dhaai maheene pehle kar liya gaya. poorv sena pramukh general VK Singh ne somvaar ko raksha mantraalaya ke us nirnaya ki aalochna ki jismein mantraalaya ne agale sena pramukh ki niyukti ki prakriya ko jaari rakhane ka faisala kiya hai. Unhonne kaha ki yeh 'Naitik roop se' galat hai aur isse vartamaan pramukh 'Nishprabhaavi' ho jaaenge. (padhein- VK Singh ke virodh ki vajah kya hai? ) gaurtalab hai ki thalasena adhyaksh ke taur par apne kaaryakaal ke aakhiri dinon mein VK Singh ne tatkaaleen 3 corps commander lieutenant general dalabeer suhaag par 'Anushaasanaatmak evam nigraani pratibandh' laga diya tha. Suhaag par 'Command aur niyantran mein naakaami' ka aarop tha, kyonki unke maatahat ek khufiya ikaai ne corps ke adhikaar kshetr ke baahar asam ke jorahaat mein kathit taur par dakaiti ko anjaam diya tha. haalaanki general bikram Singh ke thalasena adhyaksh bante hi suhaag par laga pratibandh hata liya gaya. General bikram Singh ne suhaag ko poorvi thalasena commander niyukt kiya tha.

General Bikram Singh Ke Baad Lieutenant General Dalabeer Suhaag Honge Bhaarateeya Sena Ke Agale Pramukh http://www.angrejinews.com/pic/50456