Geetika Ki Maan Ki Khudakushi Gopaal Kaanda Ke Khilaaf Maamala Darj

India »

Geetika Ki Maan Ki Khudakushi  Gopaal Kaanda Ke Khilaaf Maamala Darj

Geetika sharma ki maan ke aatmahatya karne ke ek din baad Delhi police ne Haryana ke poorv mantri gopaal kaanda aur unki sahayogi aruna chaddha ke khilaaf aatmahatya ke liye ukasaane ka maamala darj kiya hai. Aatmahatya se poorv likhe not mein unke naam aane ke baad maamala darj kiya gaya. Poorv eyarahostes geetika sharma ki maan anuraadha sharma ne shukravaar shaam ashok vihaar sthit apne aavaas par pankhe se latakakar jaan de di. Not mein aatmahatya ke liye unhonne kaanda aur chaddha ko jimmedaar thaharaaya. Police ne maamala darj kar kaanda aur chaddha ke khilaaf dhaara 306 (aatmahatya ke liye ukasaane) ke tahat maamala darj kar liya. Geetika sharma khudakushi maamale mein donon filhaal jail mein hain. Police ke ek varishth adhikaari ne kaha, suicide not mein kaanda aur chaddha ke naam hain. Un par aatmahatya ke liye ukasaane ka maamala darj kiya gaya hai. Is maamale mein jaanch jaari hai. Not mein anuraadha ne jikr kiya hai ki beti ki maut ke baad se hi vah avasaad mein thi aur geetika ki maut ke liye kaanda aur unki sahayogi aruna chaddha ko jimmedaar thaharaaya. Adhikaari ne kaha ki anuraadha ne apne bete ankit sharma ke liye bhi not chhoda hai, jismein unhonne aatmahatya ke kaaranon ka jikr kiya hai. Not mein unhonne apne bete se majaboot bane rahane ko kaha. Parivaar ke sadasyon ka havaala dete hue police sootron ne kaha ki anuraadha avasaad mein thi aur geetika ki maut ke baad unke parivaar ke sadasyon ne unhein kabhi akele naheen chhoda. 52-varsheeya anuraadha sharma ki aatmahatya ka saara rahasya do panno ke us suicide not mein hai, jo police ko unke shav ke paas se mila. Is not ke pehle panne par to unhonne apne bachchon ke liye apna pyaar jaahir kiya aur likha ki unke jaane ke baad unke bete ankit ki dekhbhaal kaise ki jaae aur suicide not ke agale panne par unhonne likha ki kaise geetika ki maut ke baad unki jindagi barbaad ho gayi. Unhonne yeh bhi likha ki unki beti ki maut ke liye poori tarah se gopaal kaanda aur aruna chaddha hi jimmedaar hain. Police ne is suicide not ko forensic jaanch ke liye bhej diya hai. 23 varsheeya geetika gopaal kaanda ke emadeeelaaar airlines mein vimaan parichaarika ke roop mein kaarya kar chuki thi. Yeh airlines ab band ho chuki hai. Geetika pichhle varsh chaar-paanch August ki daramyaani raat ko apne ghar mein pankhe mein funda daalkar jhool gayi thi. Suicide not mein usane likha tha ki gopaal kaanda aur emadeeelaaar mein prabandhan ka kaarya sambhaalne waali aruna chaddha ne use is kadar prataadit kiya ki vah maut ko gale lagaane ke liye vivsh ho gayi.

Geetika Ki Maan Ki Khudakushi Gopaal Kaanda Ke Khilaaf Maamala Darj http://www.angrejinews.com/pic/1991