Garbhaashaya Nikaalne Ke Baad Jalandhar Ki Balaatkaar Peedita Ki Haalat Gambhir

Breaking »

Garbhaashaya Nikaalne Ke Baad Jalandhar Ki Balaatkaar Peedita Ki Haalat Gambhir

Amrutasar: Jalandhar ki rahane waali, saamoohik balaatkaar ki shikaar 14 varsheeya ladki ki haalat lagaataar gambhir bani hui hai. Doctoron ne usaka fat chuka garbhaashaya surgery kar nikaal diya aur kshatigrast antadiyon ko bhi theek karne ka prayaas kiya hai. Guru naanak Dave aspataal ke chikitsa adheekshak tejabeer Singh ne kaha, ladki ka garbhaashaya fat gaya tha aur usamein teevr sankraman bhi ho gaya tha. Stri rog visheshagyon aur enestheesiya visheshagyon ke dal ne septeesemiya ke sankraman ke kaaran garbhaashaya nikaalne ka faisala kiya. Unhonne bataaya ki peedit ki kshatigrast aanton ki bhi surgery karni padi hai. Aspataal ke ek adhikaari ne bataaya ki ladki ko Jalandhar se yahaan laane ke baad saghan chikitsa kaksh mein rakha gaya hai aur kal shaam usaki surgery ki gayi. Usaki dekharekh kar rahe doctoron ne kaha ki surgery ke baad bhi usaki haalat gambhir bani hui hai, jiski vajah se agale 72 ghante tak uske svaasthya par lagaataar najar rakhi jaaegi. Singh ne bataaya, 'Use bahut raktasraav ho chuka hai aur heemoglobin bhi ghat kar teen par aa gaya hai, jabki saamaanya taur par heemoglobin 11.5 se 16 ke beech rahata hai. Use paryaapt khoon diya gaya, lekin usaki haalat sudharane mein abhi samay lagega. 28 January ko ladki shauch ke liye gayi thi. Tabhi gaanv ke teen vyaktiyon ne usaka apaharan kar usase saamoohik balaatkaar kiya. Police ne bataaya ki Jalandhar ke mandhaala channa gaanv mein 28 January ko teen vyaktiyon ne ladki ka apaharan kar uske saath saamoohik balaatkaar kiya. Peedit ke pita ne police ko bataaya ki unhein unki beti ne balaatkaar ke baare mein ghatna ke das din baad bataaya tab unhonne thaane mein shikaayat darj karaai.

Garbhaashaya Nikaalne Ke Baad Jalandhar Ki Balaatkaar Peedita Ki Haalat Gambhir http://www.angrejinews.com/pic/1411