Ganguly Ne Bhajji Ki Vaapasi Ka Svaagat Kiya

Cricket »

Ganguly Ne Bhajji Ki Vaapasi Ka Svaagat Kiya

Kolkata: Poorv bhaarateeya kaptaan saurav Ganguly ne Australia ke khilaaf pehle do test maichon ke liye of spinner Harbhajan Singh ki bhaarateeya team mein vaapasi ka somvaar ko svaagat kiya. Ganguly ne Eden gardens par kaib kaaryakaarini ki baithak ke baad kaha, ''Use team mein vaapas lena achha faisala hai. Main hamesha bhajji ko lekar aashaavaan rahata hoon lekin use antim ekaadash mein rakhane ka faisala kaptaan (Mahendra Singh Dhoni) ka hoga. '' Gautam gambhir ko baahar karne ke baare mein unhonne kaha, ''Jab aap achha pradarshan naheen karte ho to baahar hona aam baat hai. Lekin mujhe vishvaas hai ki vah achha pradarshan karke vaapasi karega. '' Bhaarat bhale England ke pichhli series haar gaya ho lekin Ganguly ne kaha ki Australia ke khilaaf Bhaarat ka palada bhaari rahega. Unhonne kaha, ''Donon teemein badlaav ke daur se gujar rahi hai. Bhaarat ko ghareloo paristhitiyon mein khelne ka faayda milega. Yah haalaanki is par nirbhar karega ki ve paristhitiyon ka kis tarah se upayog karte hain. Yuvaaon ke liye achha pradarshan karna jaroori hai kyonki Bhaarat ka test kaaryakram kaafi vyast hai. '' Sachin Tendulkar ko achhe pradarshan ki shubhakaamanaaen dete hue Ganguly ne kaha, ''Ummeed hai ki vah Bhaarat ke liye achha pradarshan karega. Abhi iski sakht darkaar hai. '' Ganguly ne Bengal ke tej geindabaaj ashok dinda ke chayan ka bhi svaagat kiya. Unhonne kaha, ''Dinda niyamit taur par Bhaarat ki van-de aur ti-20 team mein khelta hai. Use test team mein dekhkar achha lag raha hai. Lambi avadhi ke maichon mein use sahi line va leinth se geindabaaji karni hogi. ''

Ganguly Ne Bhajji Ki Vaapasi Ka Svaagat Kiya http://www.angrejinews.com/pic/1696