Gangotri, Yamunotri Ke Kapaat Khule, Chaaradhaam Yaatra Shuroo

Breaking »

Gangotri, Yamunotri Ke Kapaat Khule, Chaaradhaam Yaatra Shuroo

File chitr File chitr Deharaadoon: gadhvaal himaalaya ki oonchi pahaadiyon par sthit gangotri aur yamunotri dhaam ke kapaat shukravaar ko Akshay truteeya ke paavan parv par chhah maah ke sheetakaaleen avakaash ke baad shraddhaaluon ke liye dobaara khol diye gaye aur isi ke saath is varsh ki chaar dhaam yaatra ki aupachaarik shuruaat ho gayi. pichhle saal I bheeshan praakrutik aapada ki maar jhelne se chaaradhaam yaatra buri tarah prabhaavit hui thi aur is baar yaatra se judi vyavasthaaon ko lekar uttaraakhand sarkaar aur prashaasan mustaid hain. uttarakaashi jile mein bhatavaadi kshetr ke upajilaadhikaari KK Singh ne bataaya ki 10 hajaar feet se jyaada ki unchaai par sthit maan ganga ko samarpit gangotri dhaam ke kapaat vidhivt pooja ke baad 12 bajkar ek minute par shraddhaaluon ke liye khol diye gaye. Unhonne bataaya ki varishth prashaasanik aur police adhikaariyon ki maujoodagi mein mukhya pujaari dvaara mandir ke kapaat khole jaane ke dauraan parisar mein shraddhaaluon ki bhaari bheed maujood thi. uttarakaashi jile mein hi sthit ek anya dhaam yamunotri ke kapaat bhi vidhivt pooja archana ke baad 12 bajkar 25 minute par shraddhaaluon ke liye khol diye gaye. Gadhvaal himaalaya ke chaar dhaamon mein se do anya, kedaaranaath mandir ke kapaat 4 May ko khole jaaenge, jabki badreenaath mandir ke dwaar shraddhaaluon ke liye 5 May ko khuleinge.

Gangotri, Yamunotri Ke Kapaat Khule, Chaaradhaam Yaatra Shuroo http://www.angrejinews.com/pic/49333