Gang-rape Ke Maamale Mein BJP Ne Ki Maut Ki Saja Ki Sifaarish

India »

Gang-rape Ke Maamale Mein BJP Ne Ki Maut Ki Saja Ki Sifaarish

Nai Delhi: BJP ne balaatkaar jaise aparaadhon ke khilaaf kathor kaanoon banaane ke liye nyaayamoorti JS varma samiti ko party ki or se diye gaye sujhaavon mein saamoohik balaatkaar, apaharan ke baad balaatkaar tatha bandhak banaakar dushkarm karne ke doshiyon ko maut ki saja dene ki sifaarish ki hai. BJP adhyaksh nitin gadkari ne nyaayamoorti (sevaanivrutt) JS varma ko apne sujhaav bheje hain. Haalaanki teen-sadasyeeya samiti ko sujhaav dene se pehle party mein sthiti spasht naheen thi. Party ka ek varg sifaarishein bhejane ke khilaaf tha, vaheen anya varishth netaaon ka maanana tha ki choonki Congress ne sujhaav diye hain aur Delhi saamoohik balaatkaar kaand ke khilaaf maahaul ke beech BJP ko bhi is kavaayad mein shaamil hona chaahiye. BJP ki sifaarishon mein kishor nyaaya kaanoon, 2000 mein sanshodhan kar kishor ki paribhaasha ke daayare mein 16 saal se kam umr vaalon ko shaamil karne ka sujhaav diya hai. Lekin party is baare mein spasht naheen hai ki umraseema keval yaun aparaadhon mein kam ki jaae ya anya maamalon mein bhi. Party ne apne sujhaavon mein kaha hai, saamoohik balaatkaar ya bandhak banaakar dushkarm ya apaharan ke baad dushkarm ke doshi vyakti ko maut ki saja di jaani chaahiye. BJP ne balaatkaar ke maamale mein peedit ke liye shikaayat darj karne ki prakriya aasaan banaane ke lihaaj se kaha hai ki mahila policekarmi ki maujoodagi mein shikaayati ka bayaan darj kiya jaana chaahiye. Party ne dushkarm ke maamalon se nipatne ke liye fast track adaalaton ke gathan ki bhi salaah di hai. BJP ke anusaar samiti peedit ko muaavaja dene aur usaka sanrakshan karne aur gavaahon ko bhi jaroori suraksha pradaan karne par vichaar kar sakti hai. Party ne is baat par bhi jor diya hai ki balaatkaar ke maamale mein sunaai gayi saja mein chhoot naheen honi chaahiye. BJP ke mutaabik kuchh maamalon mein dekha gaya hai ki doshi ki saja achhe aacharan ke aadhaar par kam kar di jaati hai.

Gang-rape Ke Maamale Mein BJP Ne Ki Maut Ki Saja Ki Sifaarish http://www.angrejinews.com/pic/327