Gang-rape High Court Se Police Ko Fir Lataad, Bade Afsaron Par Kaarravaai Kyon Naheen

India »

Gang-rape  High Court Se Police Ko Fir Lataad, Bade Afsaron Par Kaarravaai Kyon Naheen

Nai Delhi: Delhi gang-rape maamale mein Delhi High Court ne aaj fir police ko fatkaar lagaai hai. Delhi police ki status report par sunavaai karte hue court ne fir poochha ki is maamale mein do ACP hi suspend kyon hue, bade afsaron par kaarravaai kyon naheen hui? Saath hi court ne aadesh diya ki sarkaar yeh sunishchit kare ki Delhi ki sadakon par jyaada se jyaada PCR vain tainaat rahein. Court ne yeh bhi kaha hai ki sarkaar PCR vain ki sankhya badhaane ke baare mein soche. Delhi mein abhi 617 PCR vain hain, jinmein se 74 sadakon par naheen hain. Court ne gaadiyon ke sheeshon par lagi kaali filmein utaarane ke aadesh diye hain. Budhvaar ko bhi maamale ki sunavaai ke dauraan police ko High Court ne jamkar fatkaar lagaai thi. Police ki status report par savaal uthaate hue court ne kaha tha ki vaaradaat ke liye police commissioner ko kyon na jimmedaar thaharaaya jaae? Court ne poochha ki kya traffic ke joint commissioner ki jimmedaari naheen banti? Delhi police ke kaleje par hathaude ki tarah chot karte ye savaal kisi aur ne naheen, balki Delhi High Court ne uthaae, jo gang-rape maamale mein sanjnyaaan lekar sunavaai kar raha hai. High Court ne Delhi police ki pesh ki gayi status report ki ek tarah se postmortem karte hue is baar bhi kai kade savaal poochhe the. Court ne poochha ki aadesh ke baavajood ghatna vaale din duty par tainaat policekarmiyon ki list kyon naheen di gayi? Pehle police ne ilaake mein teen PCR vain ki baat kahi thi, lekin ab vah do kaise ho gayi? PCR ke sirf ACP hi suspend kyon hue, DCP ya commissioner par kaarravaai kyon naheen hui? Parde lage aur kaale sheeshe waali bas Delhi ki sadakon par kaise daudati rahi? Aise mein sirf area traffic ACP hi jimmedaar kyon, DCP ya fir traffic head yaani joint commissioner par kaarravaai kyon naheen? High Court ne kadi fatkaar lagaate hue kaha ki agar kaanoon-vyavastha ko laagoo karne waali agencyan satark hoteen, to us raat hui vaaradaat taali ja sakti thi.

Gang-rape High Court Se Police Ko Fir Lataad, Bade Afsaron Par Kaarravaai Kyon Naheen http://www.angrejinews.com/pic/323