Gaali Dene Waali Heroine Gaaegi Mora Gora Ang Lailai Gulajaar

Movies »

Gaali Dene Waali Heroine Gaaegi  Mora Gora Ang Lailai  Gulajaar

upama Singh oscar, Grammy, padmabhooshan, saahitya academy, 20 filmafeyar, 7 naishanal aur ab daada saaheb faalke award, gulajaar jaisi shakhsiyt ke baare mein likhte vakt man khud gulajaar ho jaane ko karta hai. Shabd vaisi hi jaadoogari talaashane lagte hain. Bayaanagi mein usi alahadepan ki koshish hone lagti hai. Aur fir. . . Yeh jhidki, baavare man! Gulajaar to bas ek hi hai. Delhi mein dooradarshan kendra dvaara nirmit, khud gulajaar dvaara nirdeshit munshi premachand ki amar krutiyon nirmala aur godaan ke deeveedi sanskaran ke launch par gulajaar roobaroo hue to munshi premachand, godaan, nirmala, deeveedi form mein inki upayogita ke alaava kai aur savaalon par kuchh is tarah apne khyaalaat jaahir kiye: Godaan aur nirmala ko pehle seeriyl aur ab deeveedi mein dhaalane ki jaroorat kyon mahasoos hui? Iske peechhe khyaal yeh tha ki ham apne students ko aaj ke meediym mein ye saahitya muhaiya kara sakein. Aaj jabki ve har cheej computer par dekhte hain, padhte hain. Poochhana hota hai to Google se poochhate hain. Isliye agar students ko unki sahooliyt ke hisaab se har jubaan, khaaskar doosari jubaanon, ka literature saahityik form mein hi, ye naheen ki usamein naach-gaana bhar diya jaae, upalabdh karaaya jaae to ye bahut bada saramaaya hoga hamaare aaj ki peedhi ke students ke liye. Maksad ye tha ki jab ve unhein dekheinge to unhein uske baare mein jyaada padhne ki jaroorat mahasoos hogi aur ve un kitaabon ko dhoondhakar padheinge. Fir baat I ki kaun karega to mainne kaha ki main karoonga. Kareeb 15 ghante ka kaam hai ye. Ismein godaan hai, nirmala hai, short storeej hain. Munshi premachand ko chunane ki kya vajah rahi? Munshi premachand ko mainne har umr mein alag dhang se jaana. Bahut chhote hue jab school mein unhein padha. Unki kahaani idagaah, jismein vo apni naani ke haath dekhta hai auair chimta khareedkar laata hai. Mainne apni maan ko dekha tha, tandoor mein rotiyaan lagaate hue. Kis tarah ve haath mein geela kapda baandhakar tandoor mein rotiyaan lagaati theen. Tab lagta tha munshi ji meri maan ki kahaani kah rahe hain. Fir college mein unhein padha to unke nauvel, unki kahaaniyon se saamantavaad, ameer-gareeb ka fark, majadoor movement vagairah ko alag dhang se intarapret kiya, use samjha. Fir jab us par film banaai tab fir uske intarapreteshan badal gaye. Vo chhoti-chhoti tafaseel, chhoti-chhoti si deetel, jo unki kahaaniyon mein thi, jab vijual sochane lage tab mahasoos hua ki munshi ji to jaanvaron ko bhi pahachaane the. Gaaya ko bhi pahachaanate hain, bail ko bhi pahachaanate hain, unki movement bhi pahachaanate hain. Laalaten jalaana bhi jaante hain, choolhe ko bujhaana bhi jaante hain. Munshi premachand ka ye roop bahut bada hai. Ve saahitya ke un mahaan saahityakaaron mein hain, jinhein baar baar padha jaana chaahiye, baar baar samjha jaana chaahiye. Godaan ya nirmala banaane ke dauraan ke kuchh khaas eksapeeriyens ? Jab humne nirmala aur godaan banaane ki sochi to fir un gaanvon ki talaash karni thi , jahaan vo maahaul mil sake. Ye kaam studio mein naheen ho sakta tha. Gaanv , dehaat mein hi ho sakta tha. Fir aaj har jagah to enteene lage hue hain. Isliye ye kaam jara mushkil tha , lekin jab humne talaash ki to hamein Maharashtra ke border se baahar nikle to hamein vo gaanv mil gaye. Vahaan ve ghar bhi the , khet bhi the , maahaul bhi tha , kisaan bhi the. Ek taraf se badi khushi hui ki vaise gaanv aaj bhi hain aur ek taraf se afsos bhi hua ki aajaadi ke 69-70 baras baad bhi yahaan ye gaanv vaise hi hain. Vahaan koi tarakki naheen hui. Geet lekhan se shuroo karke cinema mein yogadaan ke liye daada saaheb faalke sammaan tak , aapne kaafi lamba safar tay kiya hai. Sammaan ki poorvasandhya par kaafi kuchh yaad aa raha hoga ? Asal mein main bada khushkismat raha ki mujhe bahut se guru mile seekhaane ke liye. Guru ek naheen hota , kai guru hote hain. Koi ek shuruaat kara deta hai aur seekhana sikha deta hai. Viml da the. Viml rai ( donon haath se kaan pakadkar ), jo badi ordanari si jagah se uthaakar mujhe studio le aae aur baithaakar bole ki gaane naheen likhne hai to asisteint ho jaao , par vahaan vaapas mat jaana. Vo motor gairej tumhaari jagah naheen hai. Itne apnepan , itne pyaar se yeh kehne vaala vo guru hi tha. Uske baad bahut se guru mile. Sachindev barman the. Salil chaudhari bhi the. Ilaiya raaja master the. Lakshmeekaant pyaarelaal , madanamohan ji , RD barman , pancham da. Fir nai jenareshan ne haath pakad liya. Kabhi vishaal ( Bhardwaj ) ne haath pakad liya. Kabhi shankar ( mahaadevan ) ne. Fir AR Rahman , jisne hamaare laait myoojik ko duniya tak pahunchaaya , unhonne haath pakad liya. Aage aap haath pakad lena. Main aapka maaji hoon aur ye maaji bahut jaroori hai aapke aage badhne ke liye , kyonki jadon ke bagair koi shaakh naheen hoti. Shaakh kitni bhi oonchi ho , jadein jaroori hoti hain. Aap maanate hain ki cinema aur geeton ka chehara badla hai. Pehle geeton mein shaayari aur kavita hoti thi. Ab aap khud beedi jalaailai . . . Jaise geet likh dete hain ? Cinema mujhe mirror ki tarah mahasoos hota hai. Vo society ka aaina hai. Main jab ye kehta hoon ki cinema rifaurmar naheen hai to isliye ki cinema mein jo aa raha hai , vo society se aa raha hai. Cinema se society mein naheen ja raha. Cinema sirf laaud karke use dikha deta hai. Society mein to bahut bhaya , bahut vaayaleins hai. Cinema mein to kam se kam background myoojik hota hai. Society mein vah bhi naheen hota. Akhbaaron mein padhkar dil dahal jaata hai. Aapko agar lagta hai ki ab gaane , pehle jaise naheen hai to kasoor un gaanon ka naheen hai. Dosh usaka hai jo aaj ho raha hai. Beedi jalaailai jigr se piya , jigr ma badi aag hai . . . . Ya goli maar bheje mein , bheja shor karta hai . . . Avval to ye laainein bemaane naheen hain. Satah kured kar dekhein to aur bahut kuchh kah rahi hain. Doosare beedi jalaailai . . . Ki hi baat karein to vo ladki jo gaali ke bina baat hi naheen karti hai , vo kahe mora gora ang lailai . . . Kaisa lagega. Aap rahate hain beesavein - pacheesavein maale pe , lift se ja rahe hain aur gaana ho , main tulasi tere aangan ki . . . Achha lagega ! Kuchh aisa bhi hai jo na kar paane ka malaal hai ? Vo jo kuchh naheen kar paaya , usaka malaal hai. Jab karoonga , tabhi pata chalega ki vo kya hai ! Kyonki jindagi mein vaakaye har vakt hote rahate hain. Koshish ye hoti hai ki kaheen jindagi ke saath kadam milaakar chal sakoon. Main bada tej - tej chalta hoon. Fir bhi jindagi se peechhe rah jaata hoon. Ye jindagi badi tej chalti hai. Uske saath kadam milaakar chal sakoon , ye sabse bada kaam hai. Bahut kuchh hai jo peechhe rah jaat a hai.

Gaali Dene Waali Heroine Gaaegi Mora Gora Ang Lailai Gulajaar http://www.angrejinews.com/pic/49490