Gaadiyon Ka Inshyoreins Hua Mahanga, Car Khareedne Vaalon Ka Premium Pehle Se Hua Doguna

Breaking »

Gaadiyon Ka Inshyoreins Hua Mahanga, Car Khareedne Vaalon Ka Premium Pehle Se Hua Doguna

Mumbai Dopahiya gaadiyon ko khareedne vaalon ko usaki keemat ka kareeb 10 pratishat to sirf inshyoreins premium ke taur par chukaana pad raha hai. Isi tarah car khareedne vaalon ko bhi inshyoreins par pichhle maheene ke mukaabale jyaada jeb dheeli karni pad rahi hai. Yeh haal hi mein aae court ke 2 faisalon ka asar hai. Adaalati aadesh se thard party inshyoreins kavar anivaarya ho gaya hai. Iske alaava court ne gaadi maalikon ke liye 15 lakh rupaye ka parnasal aiksideint kavar bhi jaroori kar diya hai. Laung tarm premium pemeints ki vajah se nai gaadiyon ki keemat badh gayi hai. Ab agar koi dopahiya gaadi khareedne ja raha hai to uske liye 5 saal ke liye thard party inshyoreins kavar bhi lena anivaarya hai. Iske alaava use ainual parsanal aiksideint kavar bhi khareedna hoga. Is vajah se dopahiya gaadi ke daam ke kareeb 10 pratishat tak inshyoreins premium ke taur par jama karna pad raha hai. Udaaharan ke taur par- agar kisi 150 CC ki baaik ki keemat 75,000 rupaye hai to usaka inshyoreins premium 7,600 rupaye hoga. Baat agar kaaron ki karein to khareedaar ko 3 saal ke liye thard party inshyoreins lena anivaarya hai. Iske alaava use parsanal aiksideint kavar ke liye 750 rupaye atirikt kharch karne padeinge. 1000 CC se jyaada kshamata ke engine waali kaaron ke khareedaaron ko inshyoreins ke liye kareeb 20 hajaar rupaye kharch karne pad rahe hain. September tak iske liye kareeb 10,000 rupaye kharch karne padte the.

Gaadiyon Ka Inshyoreins Hua Mahanga, Car Khareedne Vaalon Ka Premium Pehle Se Hua Doguna http://www.angrejinews.com/pic/227945