GMR Ke Khilaaf Kaanooni Kaarravaai Kar Sakta Hai Raajamaarg Praadhikran

Business »

GMR Ke Khilaaf Kaanooni Kaarravaai Kar Sakta Hai Raajamaarg Praadhikran

Nai Delhi: GMR infrastructure ne kishnagadh-Udaipur-Ahmedabad pariyojana se haath kheenchne ki ghoshana ki hai. Vaheen, bhaarateeya raashtreeya raajamaarg praadhikran (NHAI) ne kaha ki vah farm ke khilaaf kaanooni kaarravaai karne par vichaar kar sakta hai. GMR infra ko is pariyojana ka theka 16 maheene pehle mila tha. Pariyojana ke liye 5,387 karod rupaye ke nivesh ki jaroorat hogi. Company ne 26 saal ke liye 636 karod rupaye saalaana premium ki peshakash ke saath is pariyojana ka theka haasil kiya tha. NHAI ke ek varishth adhikaari ne kaha, ham maamale ki sameeksha kar rahe hain aur visheshagyon ki rai ke aadhaar par kaanooni kaarravaai kar sakte hain. Is beech GMR infrastructure ne kaha hai ki usane kishnagadh, Udaipur, Ahmedabad raajamaarg ke nirmaan ke liye NHAI ke saath apne anubandh ko samaapt kar diya hai. Company ne BSE ko soochit kiya hai, usaki anushangi GMR kishnaganj, Udaipur, Ahmedabad expressway limited ne NHAI ke saath riyaayati samjhaute ko radd kar diya hai. Yah samjhauta kishnagadh-Udaipur-Ahmedabad raajamaarg ko chhah len ka karne ke liye kiya gaya tha. Vaheen company sootron ka kehna hai ki GMR ne pariyojana mein niyaamakeeya baadhaaon ko dekhte hue yah faisala kiya hai. In baadhaaon mein paryaavaran sambandhi manjooriyaan haasil karne mein vilamb aur bhoomi adhigrahan ko lekar samasyaaen shaamil hain.

GMR Ke Khilaaf Kaanooni Kaarravaai Kar Sakta Hai Raajamaarg Praadhikran http://www.angrejinews.com/pic/51