Fraansisi Suraksha Balon Ne Gaao Havaai Adde Ko Apne Kabje Mein Liya

World »

Fraansisi Suraksha Balon Ne Gaao Havaai Adde Ko Apne Kabje Mein Liya

Kona (maali): France aur maali ke sainikon ne uttari shahar gaao ke havaai adde aur ek setu ko apne kabje mein le liya hai. Iske saath hi al kaayada se jude charampanthiyon ko khadedne ki disha mein unhein ek badi upalabdhi haasil hui hai. Do saptaah pehle France ne maali mein charampanthiyon ke khilaaf sainya abhiyaan shuroo kiya tha. Shanivaar ko havaai adde ko charampanthiyon se mukt kara liya gaya. Abhi yeh spasht naheen hai ki aane vaale dinon mein France aur maali ke sainikon ko kis tarah ke pratirodh ka saamana karna padega. France ki sena ne ek bayaan mein kaha hai ki sainikon par goleebaari ki gayi, lekin unhonne karaara javaab diya. Fraanseesi raksha mantraalaya ke adhikaariyon ne peris mein bataaya ki France aur maali ke sainikon ne gaao havaai adde ko mukt kara liya hai. Udhar, America maali mein abhiyaan ke liye France ke ladaakoo vimaanon ko indhan dene par sahamat ho gaya hai. Ameriki raksha mantri Leon peneta ne apne fraanseesi samakaksh jeen yaaves li driyaan ke saath phone par baatcheet ke dauraan kaha ki Pentagon indhan sambandhi suvidhaaen muhaiya karaane ko taiyaar hai.

Fraansisi Suraksha Balon Ne Gaao Havaai Adde Ko Apne Kabje Mein Liya http://www.angrejinews.com/pic/480