Focus Kho Baithi Hain Bhaarateeya Team, Videshi Coach Samasya Ka Hal Naheen Kapil

Cricket »

Focus Kho Baithi Hain Bhaarateeya Team, Videshi Coach Samasya Ka Hal Naheen  Kapil

Nai Delhi: Poorv kaptaan Kapil Dave ne Bhaarat ke lagaataar lachar pradarshan par niraasha vyakt karte hue kaha ki vishwacup 2011 mein jeet ke baad bhaarateeya cricketer focus kho baithe aur unhein apni jimmedaari yaad naheen rahi. Kapil ne kaha, vishwacup ke baad Bhaarat ka har khilaadi apna focus kho baitha. Kiski kya jimmedaari hai, ve bhool gaye. Ve apne aap mein mast ho gaye. Cricket ek team game hai. Unhein ek team ki tarah khelna chaahiye. Is mahaan all-rounder ne shukravaar raat siyet cricket awards ke dauraan charcha mein kaha, Bhaarat number ek team thi aur use apna yeh star banaae rakhana chaahiye tha, lekin ve aisa naheen kar paae. Kapil ne iske saath hi bhaarateeya upamahaadveep mein videshi coach rakhane ki parampara par bhi kada prahaar kiya. Unhonne is sambandh mein poorv kaptaan saurav Ganguly ki bhi aalochna ki, jinke kaptaan rahate hue pehli baar bhaarateeya team ne John right ke roop mein videshi coach rakha tha. Kapil ne kaha, Ganguly ne videshi coach bulaakar sahi naheen kiya tha. Hamaare yahaan bhi kai khilaadi hain, jo behtar coach saabit ho sakte hain. Unhonne kaha, mujhe to pehle coach shabd par hi aapatti hai. Use aap manager kah sakte hain, coach naheen. Fir vaatamor hon ya Fletcher, ve saari cheej naheen jaante. Mere vichaar mein aapka sabse achha coach aapka saathi khilaadi hota hai, jo aapki kamjoriyon ko achhi tarah se samajh sakta hai. Iske alaava bhaasha ki samasya ke kaaran bhi videshi coach upamahaadveep mein safal naheen ho paate.

Focus Kho Baithi Hain Bhaarateeya Team, Videshi Coach Samasya Ka Hal Naheen Kapil http://www.angrejinews.com/pic/40