Fitch Ne Doharaai Rating Ghataane Ki Chetaavani, Sarkaar Ne Kaha 'Chinta Naheen

Business »

Fitch Ne Doharaai Rating Ghataane Ki Chetaavani, Sarkaar Ne Kaha 'Chinta Naheen

Mumbai: Vaishvik rating nirdhaaran agency Fitch ne dheemi padti sakal ghareloo utpaad (GDP) vruddhi aur lok vitt ki kamjor sthiti ko dekhte hue Bhaarat ki saakh rating agale ek se do saal ke bheetar kam hone ki chetaavani doharaai hai. Haalaanki, vitt mantraalaya ne ise halke mein lete hue kaha hai ki vitteeya morche par sarkaar sahi disha mein aage badh rahi hai. Fitch ne tokyo se ek conference call mein kaha 'Pichhle saal June madhya mein humne Bhaarat ki saakh rating ke liye nakaaraatmak drushtikon rakha tha. Filhaal Bhaarat ki rating BBB nakaaraatmak hai. Nakaraatmak drushtikon se taatparya rating mein 12 se 24 maheene ke bheetar giraavat aa sakti hai. ' Vitt mantraalaya ne kaha hai ki vah sahi disha mein aage badh raha hai aur use raajakosheeya ghaate ke GDP ke 5.3 pratishat ke daayare mein rahane ka poora bharosa hai. Vitt mantraalaya mein aarthik maamalon ke sachiv Arvind maayaaraam ne Delhi mein kaha 'Hamein chinta naheen hai. Ham kehte rahe hain ki ham sahi raaste par hain, lekin log ham par sandeh karte hai aur yeh poochhate hain ki kya ham raajakosheeya ghaate ko lakshya ke bheetar rakh paaenge. Ham vitteeya majabooti ke liye banaai gayi kaaryayojana ka paalan kareinge. ' unhonne kaha ki sarkaar ne raajasv praapti aur kharch ke ant ko chaaloo vitt varsh ke dauraan GDP ka 5.3 pratishat ke bheetar rakhane ke liye anek kadam uthaae hain. Unhonne kaha ki aane vaale saal mein bhi ham is prakriya ko jaari rakheinge.

Fitch Ne Doharaai Rating Ghataane Ki Chetaavani, Sarkaar Ne Kaha 'Chinta Naheen http://www.angrejinews.com/pic/188