Fir Lauta Swine Flu Karanaal Mein Chaar Logon Ki Maut

Breaking »

Fir Lauta Swine Flu  Karanaal Mein Chaar Logon Ki Maut

Nai Delhi: Swine flu ek baar fir paanv pasaar raha hai. Haryana ke karanaal mein chaar logon ki maut ho gayi hai. Chandigarh ke medical college ke chaar doctoron ko bhi swine flu hone ki soochana mili hai. Isse poorv rajdhani mein swine flu ke maamalon mein badhotri ke beech Delhi sarkaar ne paanch niji aspataalon sahit kul 22 aspataalon ko is beemaari ke shikaar mareejon ke ilaaj ke liye alag ward banaane ka nirdesh diya. Svaasthya mantri AK vaaliya ne bataaya, January se swine flu ke kul 60 maamale saamane aae hain, jinmein teen vyaktiyon ki jaan gayi. Unhonne bataaya ki 17 sarkaari aur paanch niji aspataalon se kaha gaya hai ki vah swine flu ke mareejon ke ilaaj ke liye ICU suvidhaaon sahit tamaam jaroori intajaam karein. Adhikaariyon ne bataaya ki vaaliya ne aspataalon se khaastaur se kaha hai ki vah alag wardon mein ventilator taiyaar rakhein taaki jaroorat padne par swine flu ke mareejon ko inki suvidha mil sake. Vaaliya ne svaasthya vibhaag, raashtreeya sankraamak rog sansthaan ke sheersh adhikaariyon aur sambaddh sarkaari evam niji aspataalon ke chikitsa adheekshakon ke saath ek baithak mein yah nirdesh jaari kiye. Unhonne kaha, ghabaraane ki koi jaroorat naheen hai. Janta ko is beemaari se bachaav aur prabandhan ke liye ehatiyaat baratana chaahiye. Svaasthya mantri ne sabhi aspataalon se nodal adhikaari ki niyukti karne ko kaha taaki swine flu ke peedit mareejon ki harsambhav sahaayata ki ja sake. Svaasthya vibhaag se kaha gaya hai ki vah swine flu ke upachaar se jude dishaanirdesh apni website par upload kare taaki tamaam aspataal uske anusaar upaaya kar sakein. Vaaliya ne kaha ki echa1ena1 maamalon ka pareekshan raashtreeya sankraamak rog sansthaan, akhil bhaarateeya aayurvigyaan sansthaan aur Patel chest sansthaan mein kiya jaata hai. Inke saath hi paanch niji prayogashaalaaon mein bhi yah suvidha hai.

Fir Lauta Swine Flu Karanaal Mein Chaar Logon Ki Maut http://www.angrejinews.com/pic/1393