Film Review Sapanon Ko Poora Karne Ka Junoon Jagaati Hai 'Hava Havaai

Breaking »

Film Review  Sapanon Ko Poora Karne Ka Junoon Jagaati Hai 'Hava Havaai

Mumbai: is shukravaar release hui hai film 'Hava havaai', jiski kahaani ek gareeb bachche ki hai, jo chai ke dhaabe par kaam karta hai. . . Jaise hi vah rais gharaane ke bachchon ko sketing karte hue dekhta hai, usaki aankhon mein bhi nae sapane jaagane lagte hain aur fir shuroo hoti hai, jaagati aankhon se dekhe gaye un sapanon ko poora karne ki jaddojahad. . . Sketing ke is sapane ko poora karne mein usaka saath dete hain ek sketing shikshak aur sadak ke chaar gareeb bachche, jo uske dost hain. . . nirdeshak amol gupte ne pehle 'Taare zameen par' ki thi, jismein bachchon ki shiksha ke baare mein dikhaaya gaya. . . Uske baad amol gupte ne 'Stainali ki dibba' banaai, jismein unhonne fir bachchon ki kahaani par hi zor diya. . . Ab ek baar fir amol gupte bachchon ke sapanon ko film 'Hava havaai' ke jariye saamane laae hain. . . Saaf dikhta hai ki amol na sirf bachchon ke muddon ko ujaagar kar rahe hain, balki unhein apni film ke jariye behatareen tareeke se samajhaate bhi hain. . . sadak ke gareeb bachche kis tarah mehnat-mazadoori kar sketing ke joote banaate hain. . . Kis tarah ek shikshak sketing ki training deta hai. . . Aur iske alaava ek maan aur bachche ke beech jajbaati rishta aur maasoom bachchon ke beech bejod dosti. . . Ye sab bhaavanaaen behad khoobsoorti se amol ne parde par utaari hain. . . film ke pehle scene mein hi gaana shuroo ho jaata hai, "Choolhe ke angaare jaise pehle tadapate haathon ko tab naseeb roti hoti hai, jeevan saar yahi hai, too dar na, angaar par chal, yahi jeevan jyoti hai. . . " yaani yeh film sandesh deti hai ki dukh ke baad hi sukh hai aur koshish karne vaalon ki kabhi haar naheen hoti. . . kul milaakar 'Hava havaai' ek khoobsoorat film hai, jismein rishte, jajbaat, maasoomiyt aur jaagati aankhon se aasmaan chhoone ka junoon nazar aata hai. . . Mujhe lagta hai ki aisi filmein banani chaahiye aur aisi filmon ko protsaahan milna behad zaroori hai. . . Meri taraf se film ki rating hai - 4 star. . .

Film Review Sapanon Ko Poora Karne Ka Junoon Jagaati Hai 'Hava Havaai http://www.angrejinews.com/pic/50086