Film Review Ek Baar Dekhi Ja Sakti Hai 'Samraat End Company

Breaking »

Film Review  Ek Baar Dekhi Ja Sakti Hai 'Samraat End Company

Mumbai: 'Samraat end company' kahaani hai ek jaasoos 'Samraat tilkadhaari' ki, jiska kirdaar nibhaaya hai Rajiv Khandelwal ne. . . Yeh jaasoos kuchh alag kism ka case lena chaahata hai, aur tabhi dimpi Singh ka rol kar rahi madaalasa sharma unke paas apna case lekar pahunchati hai, aur samraat pahunch jaata hai Shimla. . . Shuruaat mein lagta hai, jaise yeh case bhoot-preton se juda hai, lekin yahaan shuroo ho jaate hain ek ke baad ek murder. . . vaise film ke pehle scene se aisa laga tha ki 'Samraat end company' kuchh bhutaha pahaluon ko chhuegi, magar aisa naheen hai. . . Is film ko murder mistri kah sakte hain, jise hal karta hai jaasoos 'Samraat tilkadhaari'. . . jaasoos 'Samraat' smart hai, staailish hai aur iska 'Sevanth seins' kamaal ka hai. . . Vah har cheez mein laujik dhoondhata hai aur usi aadhaar par case ki jad tak pahunchata hai. . . Haalaanki film mein suspense achha hai, magar film ki kamazor kadi lagi samraat ki tafteesh, kyonki kahaani mein ditektiv ke laujik aur sevanth seins ko itna bada dikha diya hai ki kaatil tak yeh kaafi jaldi aur aasaani se pahunch jaata hai. . . Is chakkar mein kai scene puraane aur bachakaane lagte hain. . . jaise-jaise film aage badhati hai, kai logon ke liye lagta hai ki shaayad yeh ho sakta hai kaatil, magar kaatil pahunch se door jaata rahata hai. . . Haalaanki film mein bahut jyaada entertainment vailyoo naheen hai, lekin is baat se inkaar naheen kiya ja sakta ki film ne ant tak suspense ko pakadakar rakha hai. . . Agar aapko jaasoosi filmein pasand hain to 'Samraat end company' ko ek baar dekh sakte hain. . . Is film ke liye meri rating hai - 3 star. . .

Film Review Ek Baar Dekhi Ja Sakti Hai 'Samraat End Company http://www.angrejinews.com/pic/48562