Film Review Dil Ko Chhoo Leti Hai 'Kya Delhi Kya Lahore

Breaking »

Film Review  Dil Ko Chhoo Leti Hai 'Kya Delhi Kya Lahore

Mumbai: is hafte release hui 'Kya Delhi kya Lahore', jismein mukhya bhoomika mein hain vijay raaz, manu rishi, vishvajeet pradhaan aur raaj jutshi. . . Film ki kahaani ghatati hai Hindustan ki aazaadi aur desh ke bantavaare ke baad, jahaan Hindustan-Pakistan ki sarhad par ladte-ladte dono or ke sipaahiyon mein se sirf ek-ek sipaahi rah jaata hai aur fir bhookh aur pyaas unhein bandook ki bhaasha chhodakar insaaniyat ki bhaasha bolne par majaboor kar deti hai. . . 'Kya Delhi kya Lahore' ka nirmaan kiya hai karan aroda ne, nirdeshak hain khud vijay raaz, aur film ke prastota hain diggaj lekhak−geetakaar gulazaar. . . Yeh film donon deshon ki raajaneetik saragarmi aur us rishte ki baat karti hai, jise mitaaya naheen ja sakta. . . poori film kareeb-kareeb ek hi ilaake mein shoot hui hai. . . Lagbhag poori film mein do hi kirdaar nazar aate hain, lekin iske baavajood film kaheen bhi apni raftaar naheen khoti, aur na hi film mein kirdaaron ki kami mahasoos hoti hai. . . Sabse badi baat yeh hai ki film bina koi gyaan diye hansaate hue badi aasaani se apni baat kah jaati hai. . . Agar aapko sanjeeda aur arthapoorn cinema dekhne ka shauk hai to is film ki kasi hui script aur skreenaple aapko hilne ka mauka naheen deinge. . . 'Kya Delhi kya Lahore' ke kai dialogue aapko gudagudaaenge aur aap par gahra asar chhod jaaenge. . . Film ki khoobsoorti hai iski saadagi, vijay raaz ka behatareen abhinay aur nirdeshan. . . Manu rishi ka kaam bhi achha hai, lekin kaheen-kaheen dialogue bolne ka jo tareeka unhonne pakada hai, vah kuchh khalata hai. . . Raaj jutshi aur vishvajeet pradhaan ke kirdaar chhote hain, lekin donon ne achha kaam kiya hai. . . film ka sangeet aur background score kahaani mein apna yogadaan bakhoobi karte hain. . . Thodi-si takaneeki baareekiyon par dhyaan dene ki aur zaroorat thi. . . Masalan, kuchh scenes mein background music ki kami aur thoda edit ka masaala, lekin shaayad darshakon ko yeh na khale. . . Kul milaakar 'Kya Delhi kya Lahore' aapka manoranjan karte hue dil tak pahunch jaaegi. . . Is film ke liye meri rating hai - 4 star. . .

Film Review Dil Ko Chhoo Leti Hai 'Kya Delhi Kya Lahore http://www.angrejinews.com/pic/49336