February Mein Desh Mein Aaya 2 Arab Dollar Ka FDI

Business »

February Mein Desh Mein Aaya 2 Arab Dollar Ka FDI

Nai Delhi pratyaksh videshi nivesh (FDI) February mein lagaataar doosare maah 12 pratishat se adhik badhkar 2.01 arab dollar par pahunch gaya. Audyogik neeti evam sanvardhan vibhaag (deeaaipeepi) ke aankadon ke anusaar, isse pichhle saal February 2013 mein kul 1.79 arab dollar ka FDI desh mein aaya tha. Haalaanki, April se February ki avadhi ke dauraan pratyaksh videshi nivesh 0.6 pratishat kam hokar 20.76 arab dollar par aa gaya, jo isse pichhle saal ki samaan avadhi mein 20.89 arab dollar tha. Vitt varsh 2013-14 ke 11 maah ke dauraan sarvaadhik pratyaksh videshi nivesh seva kshetr mein (2.18 arab dollar) kiya gaya, jabki iske baad vaahan kshetr mein 1.28 arab dollar ka nivesh hua. Is avadhi ke dauraan dava kshetr mein 1.7 arab dollar ka pratyaksh videshi nivesh hua, jabki nirmaan vikaas kshetr mein 1.05 arab dollar ka nivesh aaya. Sameekshaadheen avadhi mein Mauritius ke raaste desh mein kul 4.48 arab dollar ka pratyaksh videshi nivesh hua, iske baad Singapore se 3.91 arab dollar ka nivesh hua. Isi avadhi mein Britain ke jariye desh mein kul 3.21 arab dollar ka nivesh kiya gaya, jabki Netherland ne 2.20 arab dollar ka nivesh kiya. January, 2014 mein desh mein FDI 1.5 pratishat badhkar 2.18 arab dollar par raha tha. Arthavyavastha ki raftaar ko banaae rakhane ke liye desh ko pratyaksh videshi nivesh ki aavashyakta hoti hai. Desh ki aarthik vruddhi dar vitt varsh 2012-13 mein ghatkar ek dashak ke nyoonatam star 4.5 pratishat par aa gayi. Vitt varsh 2012-13 se 2016-17 ki 12 veen panchavarsheeya yojana ke samayakaal mein desh ko dhaanchaagat pariyojanaaon ke vikaas ke liye kareeb 1,000 arab dollar ke nivesh ki darkaar hai. Pratyaksh videshi nivesh kam hone se rupaye ki dhaarana prabhaavit hui aur pichhle saal 28 August ko rupaya apne sarvakaalik nichle star 68.85 prati dollar par aa gaya.

February Mein Desh Mein Aaya 2 Arab Dollar Ka FDI http://www.angrejinews.com/pic/48884