Fanse Karj Maamalon Ke Tvarit Samaadhaan Ke Liye Reserve Bank Ke Nae Niyam

Breaking »

Fanse Karj Maamalon Ke Tvarit Samaadhaan Ke Liye Reserve Bank Ke Nae Niyam

Mumbai Bhaarateeya reserve bank (RBI) ne fanse karj ke niptaan ki maujooda pranaali mein bada sanshodhan kiya hai. In niyamon ko divaala evam rin shodhan akshamata sanhita (aaibeesi) ke anuroop banaaya gaya hai. Isse banking pranaali mein fanse karj ki samasya ke turant samaadhaan mein madad milegi. Reserve bank ne sanshodhit ruparekha mein dabaav waali parisampattiyon ki 'Jald pehchaan' karne, niptaan yojana ka samayabaddh paalan aur us avadhi mein bankon ke vifal rahane par un par jurmaana lagaane ke liye vishesh niyam banaae hain. Reserve bank ke is kadam par vitteeya seva sachiv Rajiv Kumar ne kaha ki kendreeya bank ki somvaar raat jaari yeh adhisoochana rin chukaane mein asafal karjadaaron ko 'Neend se jagaane' waali hai. Unhonne kaha sarkaar ek baar mein hi fanse karj ka niptaan karne ke liye pratibaddh hai, vah ise latakaana naheen chaahati hai. Aise karj ke niptaan ke liye nayi vyavastha jyaada paaradarshi hai. Reserve bank ki adhisoochana mein kaha gaya hai ki is tarah ke sabhi khaaton ka samaadhaan ab nayi vyavastha ke tahat hi kiya jaaega. Reserve bank ki naveenatam adhisoochana ke anusaar, sanshodhit ruparekha ke saath hi usane fanse karj se nipatne ki maujooda vyavastha ko vaapas le liya hai. Inmein companiyon ki rin punargathan yojana, rananeetik rin punargathan yojana aur dabaav waali sampatti ko tikaaoo svaroop dene ki yojanaayein shaamil hain, jinhein vaapas le liya gaya hai. Dabaav waali parisampattiyon ke niptaan ke liye bankon ke sanyukt manch (jauint leindars forum-JLF) ki saansthaanik vyavastha ko bhi khatm kar diya gaya hai. Ismein ve khaate bhi shaamil hain, jahaan puraani vyavastha ke tahat prakriya to shuru ho gayi hai, lekin abhi tak unamein niptaan ka anupaalan shuru naheen hua hai. Rajiv Kumar ne saaf kiya ki reserve bank ke faisale ka bankon ke praavadhaan karne ke niyamon par bahut jyaada prabhaav naheen hoga. Sarkaar ne bankon ki NPA ki samasya se nipatne ke pichhle saal reserve bank ko jyaada adhikaar diye the.

Fanse Karj Maamalon Ke Tvarit Samaadhaan Ke Liye Reserve Bank Ke Nae Niyam http://www.angrejinews.com/pic/192645