Facebook Par Kareeb 5 Karod Dupleeket Account

Business »

Facebook Par Kareeb 5 Karod Dupleeket Account

Hyderabad: Social networking site Facebook ne kaha hai ki usaki site par kareeb 5 karod dupleeket account hain. Iske alaava, 2.2 karod account avaanchhit hain. Dupleeket account se aashay ek aise account se hai, jise ek upabhokta apne mool account ke alaava banaakar rakhata ya rakhati hai. Facebook ke ek bayaan ke mutaabik, 31 December, 2012 tak duniyaabhar mein is website ke 1.06 arab maasik sakriya upabhokta rahe jismein 7.1 karod upabhokta Bhaarat ke shaamil hain. Facebook ne ameriki baajaar niyaamak securities end exchange commission ko saunpi apni report mein kaha, hamaara anumaan hai ki dupleeket account ki hissedaari vaishvik maasik sakriya upayoktaaon ka kareeb 5 pratishat hai. Website ne kaha ki usaka maanana hai ki dupleeket account ka pratishat America ya Australia jaise viksit baajaaron mein kam hai, jabki Indonesia aur Turkey jaise vikaasasheel baajaaron mein adhik hai. Facebook ke graahakon ki sankhya December, 2011 ke mukaabale 25 pratishat tak badhi hai. Ismein Brazil, Bhaarat aur Indonesia ka mukhya yogadaan hai.

Facebook Par Kareeb 5 Karod Dupleeket Account http://www.angrejinews.com/pic/1406