Europeeya Sangh Ne Bhaarateeya Alfaanso Aam, Kuchh Sabjiyon Ko Pratibandhit Kiya

Breaking »

Europeeya Sangh Ne Bhaarateeya Alfaanso Aam, Kuchh Sabjiyon Ko Pratibandhit Kiya

London: Europeeya sangh ne Bhaarat se taatkaalik roop se alfaanso aam aur chaar sabjiyon ko ek May se pratibandhit kar diya hai, jiske kaaran bhaarateeya samudaaya ke logon, kaanoon nirmaataaon aur vyaapaariyon ka virodh pradarshan hua hai. paudh svaasthya par Europeeya sangh ki sthaayi samiti ke haal ka yeh faisala Europeeya sangh mein varsh 2013 mein aayaat kiye gaye bhaarateeya falon aur sabjiyon ke 207 khepon ko falon par lagne waali makkhiyon jaise keeton aur anya sangarodhi keeton se sandooshit paaya gaya. Europeeya sangh ne jin vastuon ke aayaat par taatkaalik pratibandh lagaaya hai unamein aam, baingan, arabi, karela aur chichinda shaamil hain. samiti ne kaha ki haalaanki pratibandhit jins Europe mein Bhaarat se aayaat kiye gaye kul taaja falon aur sabjiyon ke aayaat ke 5 feesadi se bhi kam jinson ka pratinidhitv karte hain lekin naye keeton ke sambhaavit pravesh Europeeya sangh ki krushi evam utpaadan ke liye ek khatra ban sakte hain. Britain ka paryaavaran, khaadya evam graameen maamalon ka vibhaag (defra) in pratibandhon ka samarthan karta hai. Usane kaha ki keeton ke kaaran yeh pratibandh jaroori tha jo desh ke 32.1 karod pound ke tamaatar aur kakadi ke salaad fasal udyog ke liye khatra ban sakta hai.

Europeeya Sangh Ne Bhaarateeya Alfaanso Aam, Kuchh Sabjiyon Ko Pratibandhit Kiya http://www.angrejinews.com/pic/48919