England Mein Team India Ko Bhuvi Aur Bumaraah Ki Kami Khal Rahi Hai Jonti Rods

Breaking »

England Mein Team India Ko Bhuvi Aur Bumaraah Ki Kami Khal Rahi Hai Jonti Rods

Mumbai South Africa ke poorv khilaadi jonti rods ne guruvaar ko yahaan kaha ki poorv bhaarateeya kaptaan ajeet vaadekar ke nidhan par itni jyaada samvedna sandesh bhaarateeya cricket ki anokhi baat hai. Ek company ke brand doot ke roop mein yahaan pahunche rods ne kaha, 'Videshi sarjameen par Bhaarat ko test maichon mein jeet dilaane vaale ajeet vaadekar cricket mein bade badlaav laane vaalon mein the. Unke nidhan par shok sandeshon ki hui bauchhaar bhaarateeya cricket ki anokhi baat hai jo ek samudaaya ki tarah hai. Aisa kaheen aur naheen hota. ' Bhaarat ko 1971 mein England aur vest Indies mein jeet dilaane vaale vaadekar ka lambi beemaari ke baad Budhvaar ko Mumbai mein 77 varsh ki umr mein nidhan ho gaya. IPL ke 3 baar ki champion Mumbai Indians team ke kshetrarakshan coach rahe rods ne kaha ki England ke khilaaf test series mein bhaarateeya team ko bhuvaneshvar Kumar aur jasapreet bumaraah ki kami khal rahi hai, jinhonne unke desh south Africa mein shaanadaar pradarshan kiya tha. Padhein: England mein Bhaarat ke lachar pradarshan par bole Pak captain- team India ki taiyaariyon mein kami Bhaarateeya team 5 maichon ki test series mein England se 0-2 se pichhad rahi hai aur team ne videshi sarjameen par slip mein kai catch tapakaae hain. Cricket ke sarvashreshth kshetrarakshakon mein ek maane jaane vaale is poorv khilaadi ne kaha ki slip mein catch ke maamale mein bhi bhaarateeya haalaat aur south Africa tatha England ke haalaat mein thoda antar hota hai. Padhein: Nautingam test : Team India ki opening badi paheli Unhonne kaha, 'Bhaarat mein slip mein catch ke liye geind ghutne ke neeche aati hai aur catch pakadne ke liye anguli jameen ki taraf honi chaahiye. England, Australia aur south Africa mein paristhiti theek iske ulat hoti hai (geind ghutne se oopar aati hai aur anguli oopar ki taraf honi chaahiye). Chhah saptaah mein aap aadat naheen badal sakte. ' south Africa ke liye 52 test aur 245 ekadivseeya khelne vaale is khilaadi ne kaha ki IPL ke kaaran bhaarateeya team ke kshetrarakshan ka star sudhara hai.

England Mein Team India Ko Bhuvi Aur Bumaraah Ki Kami Khal Rahi Hai Jonti Rods http://www.angrejinews.com/pic/218732