Engineers India Ki 10 Feesadi Hissedaari Bechegi Sarkaar

Business »

Engineers India Ki 10 Feesadi Hissedaari Bechegi Sarkaar

Nai Delhi: Sarkaar ne engineers India li. (EIL) mein apni 10 pratishat hissedaari bechne ke prastaav ko aaj manjoori de di. Isse sarkaar ko kareeb 800 karod rupaye mil sakte hain. Mantrimandal ki aarthik maamalon ki samiti (CCEA) ki baithak ke baad vittamantri pi Chidambaram ne samvaadadaataaon se kaha, ham EIL mein vinivesh se maujooda baajaar moolya par kareeb 800 karod rupaye praapt karne ki ummeed kar rahe hain. Sarkaar ki EIL mein filhaal 80.4 pratishat hissedaari hai. 2010 mein sarkaar ne anuvarti saarvajanik nirgam (FPO) ke jariye EIL mein 10 pratishat hissedaari ka vinivesh kiya tha. EIL ka share bhaav is samay 229.80 rupaya hai. Yeh Budhvaar ke band bhaav ke mukaabale yeh 3.73 pratishat kam hai. Chaaloo vitt varsh mein July-September timaahi mein EIL ka shuddh laabh 161.24 karod rupaye raha, jo 2011-12 ke mukaabale kareeb 10 pratishat adhik hai. Sarkaar ne maujooda vitt varsh mein vinivesh se 30,000 karod rupaye praapt karne ka lakshya rakha hai. Chaaloo vitt varsh mein ab tak saarvajanik ikaaiyon ke vinivesh se sarkaar kareeb 6,900 karod rupaye hi juta pai hai.

Engineers India Ki 10 Feesadi Hissedaari Bechegi Sarkaar http://www.angrejinews.com/pic/271