Engine Mein Dikkat Indigo Aur Goeyar Ke 65 Vimaanon Ki Udaan Par Rok, Kai Udaanein Radd

Breaking »

Engine Mein Dikkat Indigo Aur Goeyar Ke 65 Vimaanon Ki Udaan Par Rok, Kai Udaanein Radd

Nai Delhi Pichhle 2 hafton mein teesari baar beech hava mein eyarakraafts ke injanon ke fail hone ki ghatna ko gambheerta se lete hue civil eviyeshan regyuletar ne sakht kadam uthaaya hai. Somvaar ko DGCA (daayarektaret general of civil eviyeshan) ne 65 vimaanon ko turant hataane ka aadesh jaari kiya. Inmein se 47 vimaan indigo airlines ke hain to 18 vimaan goeyar ke hain. Gadbadi vaale vimaanon ke hatne ke baad kai aham ghareloo roots par mangalvaar ko vimaan sevaaen buri tarah prabhaavit huin hain. Indigo ko apni 47 udaanon ko radd karna pada hai. Delhi, Mumbai, chennai, Kolkata, Hyderabad, Bengaluru, Patna, shreenagar, bhuvaneshvar, amrutasar, shreenagar aur Guwahati samet kai shaharon se jaane aur aane waali udaanein radd ki gayi hain. Udaanon ke radd hone ke baad yaatriyon ko ho rahi dikkaton ke maddenajar indigo ne bayaan jaari kar kaha hai ki usaki ek hi root par kai udaanein hain aur prabhaavit yaatriyon ko anya flaaits se jaane ki vyavastha ki ja rahi hai. Company ne kaha, 'Sabhi prabhaavit yaatriyon ko 2 vikalp diye gaye hain. Ya to vah bina kisi atirikt shulk ke kisi anya flight se yaatra karein ya ticket ko radd kara poora reefand paaen. Ticket radd karaane vaalon se koi kainsaleshan chaarj naheen liya jaaega. ' Daraasal somvaar ko indigo ki ek flight ko engine mein gadbadi ke kaaran Ahmedabad airport par imarjeinsi lainding karni padi. Is ghatna ke kuchh hi ghanton mein DGCA ne indigo aur goeyar ko nirdesh diya ki ve un gyaarah A320 niyo vimaanon ko seva se turant hata lein, jinmein prait aind vitni injanon ki ek khaas series lagi hui hai. Ek khaas series vaale kul 14 A 320 niyo vimaanon ko ab seva se hataaya ja chuka hai. Inmein 11 ka upayog indigo kar rahi thi aur 3 ka goeyar. Indigo ke teen vimaan pehle hi is samasya ke kaaran seva se hataaya ja chuke the. 65 vimaanon ke hatne aur udaanon ke radde hone ke baad mangalvaar ko desh ke tamaam eyaraports par saikadon yaatri fanse hue hain. Somvaar ko bhi kai yaatriyon ko pareshaaniyon ka saamana karna pada tha. Bata dein ki indigo har din kareeb 1,000 udaanon ko sanchaalit karta hai. Indigo ke paas domestik flaayars ka kareeb 40 pratishat hissa hai to goeyar ka market share kareeb 10 pratishat hai.

Engine Mein Dikkat Indigo Aur Goeyar Ke 65 Vimaanon Ki Udaan Par Rok, Kai Udaanein Radd http://www.angrejinews.com/pic/196213