Ekjit Pol Se Poorv Record Star Par Sensex, 600 Ankon Ki Jabaradast Teji

Breaking »

Ekjit Pol Se Poorv Record Star Par Sensex, 600 Ankon Ki Jabaradast Teji

Mumbai: ekjit pol se poorv share baajaaron mein aashcharyajanak roop se jordaar livaali ke chalte shukravaar ko Bombay stock exchange (BSE) ka samvedi soochakaank Sensex 2.7 feesadi yaani kareeb 600 ank uchhalakar 22,955.99 ke nae record star par pahunch gaya. Doosari or national stock exchange (NSE) ka samvedi soochakaank Nifty bhi lagbhag 185 ankon ki badhat se 6,850 ke paar chala gaya. yeh livaali ka daur aur soochakaankon mein uchhaal isliye aashcharyajanak rahe, kyonki pichhle kuchh dinon se baajaaron mein mandi ka daur dekha ja raha tha. daraasal, agale saptaah shukravaar ko hi Loksabha chunaav 2014 ke parinaam ghoshit hone vaale hain. Chunaav parinaamon ke intajaar mein BSE Sensex tatha NSE Nifty mein 25 April ko shikhar par pahunchane ke baad se lagbhag do feesadi ki giraavat aa chuki hai. isse pehle, dopahar 1: 22 baje BSE Sensex 533.83 ankon (2.39 pratishat) ki badhat ke saath 22,877.87 par kaarobaar kar raha tha, jabki usi samay NSE Nifty par bhi 162.20 ankon (2.44 pratishat) ki teji ke saath 6,822.05 ka aankada darj hua.

Ekjit Pol Se Poorv Record Star Par Sensex, 600 Ankon Ki Jabaradast Teji http://www.angrejinews.com/pic/50076