Ek Saptaah Baad Kashmir Ghaati Se Curfew Hataaya Gaya

Breaking »

Ek Saptaah Baad Kashmir Ghaati Se Curfew Hataaya Gaya

Shreenagar: Lagbhag ek saptaah ke baad Kashmir ghaati mein laga curfew shanivaar ko hata liya gaya. Sansad hamle ke doshi mohammad Afzal guru ko pichhle saptaah hui faansi ke baad ghaati mein curfew laga diya gaya tha. Pichhle shanivaar band ki gain Internet sevaaen bhi shukravaar der shaam bahaal kar di gain. Sevaaon ki bahaali se ghaati ke paanch lakh Internet upabhoktaaon ko raahat mili hai. Internet sevaaon ko ek rakshaatmak kadam ke tahat rok diya gaya tha, taaki pareshaani paida karne vaale tatv afavaahein failaane ke liye social networking maadhyamon ka durupayog na kar sakein. Police ke ek pravakta ne kaha, ghaati ke sabhi 10 jilon se curfew hata liya gaya hai. Haalaanki curfew hatne ke baad bhi saamaanya janajeevan prabhaavit hi raha, kyonki hurriyat conference ke neta Sayyed Ali shaah gilaani ne guru ki faansi ke virodh mein aur uske shav ko parivaar ko lautaane ki maang ke liye ki ja rahi hadtaal ko ek din aur badha diya hai. Band ke aahvaan ke chalte dukaanein aur anya vyavasaayik pratishthaan band rahe, jabki saarvajanik vaahan sadkon se gaayab rahe. Haalaanki kuchh niji vaahan shreenagar samet ghaati ke anya bade kasbon ki sadkon par chalte rahe. Police ke ek pravakta ne kaha ki ghaati mein haalaat shaantipoorn hain aur kisi apriya ghatna ki khabar naheen I hai.

Ek Saptaah Baad Kashmir Ghaati Se Curfew Hataaya Gaya http://www.angrejinews.com/pic/2025