Ek Beti Aur Desh Ne Pita Tulya Shakhsiyt Ko Di Antim Vidaai

Breaking »

Ek Beti Aur Desh Ne Pita Tulya Shakhsiyt Ko Di Antim Vidaai

Deepak ke das, nai Delhi Bhaarateeya raajaneeti ke diggaj neta, videshi ganamaanya vyakti aur hajaaron naagrikon ne poorv pradhaanamantri atal bihaari Vajpayee ke antim sanskaar ke mauke par ek saath aae. Shukravaar ko poorv PM atal bihaari Vajpayee panchatatv mein leen ho gaye. PM Narendra Modi ke netrutv mein hajaaron log Vajpayee ki shav yaatra ke peechhe chale. Poorv PM ke shav ko tirange mein lapeta gaya aur unhein 21 topon ki salaami di gayi. 'Bhaarat maata ki jaya' aur vaidik mantrochaar ke saath Vajpayee ke kahe shabdon mein unhein antim vidaai di gayi. Vajpayee ne kaha tha, 'Har chunauti se do haath mainne kiye, aandhiyon mein jalaae hain bujhate deee'. BJP mukhyaalaya se smruti sthal tak jaate hue log naare laga rahe the, 'Jab tak sooraj chaand rahega,atal tera naam rahega. ' Pradhaanamantri Narendra Modi, party adhyaksh amit shaah, keindreeya mantrimandal ke neta aur kai mukhyamantri unki shav yaatra ke peechhe chal rahe the. Bataaya ja raha hai ki guruvaar raat se hi Vajpayee ke sarkaari aavaas se BJP mukhyaalaya tak unke samarthakon ka jutana shuroo ho gaya tha. Naatin nihaarika ne Vajpayee ke paarthiv shareer par se tiranga grahan kiya. Us pal smruti sthal par maanon ghadi ki sui kuchh der ke liye tham gayi, poora maahaul gamageen tha. Beti, naatin aur parivaar ke log hi naheen smruti sthal par maujood har kisi ki aankhon mein aansoo the. Atal the hi kuchh aise, unka kavi man sadaiv sanvedanaaon se bhara hota tha. Unki aatmeeyata, samarasata, madhurata aur saadagi logon ko baandh leti thi. Siyaasat ki duniya ka unhein 'Ajaatashatru' kaha jaata tha kyonki unhonne hamesha dost banaae, dushman unka koi naheen tha. Isse pehle smruti sthal par teenon senaaon ki or se Vajpayee ko antim salaami di gayi. Raashtrapati raamanaath kovind, uparaashtrapati Venkaiya Naidu, pradhaanamantri Narendra Modi, Vajpayee ke puraane saathi rahe Lal Krishna Advani aur murali manohar Joshi, Loksabha speaker, sangh pramukh mohan Bhagwat samet kai ganamaanya hastiyon ne atal ko shraddhaanjali di.

Ek Beti Aur Desh Ne Pita Tulya Shakhsiyt Ko Di Antim Vidaai http://www.angrejinews.com/pic/218925