Dravid Ne Dhoni Se Kaha, Ti-20 Ki Kaptaani Chhodo, Test Kaptaan Bane Raho

Cricket »

Dravid Ne Dhoni Se Kaha, Ti-20 Ki Kaptaani Chhodo, Test Kaptaan Bane Raho

Nai Delhi: Poorv bhaarateeya kaptaan Rahul Dravid ne aalochanaaon se ghire Mahendra Singh Dhoni ka samarthan karte hue kaha ki vah ekamaatr vyakti hai, jo test team ki aguvaai karne mein saksham hai, lekin use twenty-20 ki kaptaani chhod deni chaahiye. Dravid ne kaha, Dhoni test cricket mein Bhaarat ki aguvaai karne wala ekamaatr vyakti hi naheen hai, balki vah is kaam ko achhi tarah karne ke yogya bhi hai. Usase iske liye sirf kaptaani mein sirf ek badlaav ki jaroorat hai ki use yeh pehchaanana hoga ki vah har vakt sabkuchh naheen kar sakta aur use iske liye madad sveekaarane aur iske liye poochhane ki ichha dikhaani chaahiye. Unhonne 'ESPN cricinfo' ke liye apne column mein likha, Dhoni ko yeh pehchaanana hoga ki vah kaptaan bane rahana jaari naheen rakh sakta aur har vakt naheen khel sakta, kyonki isse vah thak jaaega. Iski shuruaat Dhoni aasaani se Bhaarat ki ti-20 aur chennai Superkings ki kaptaani chhodkar kar sakta hai. Use kaptaani, keeping aur khelne ke beech mein break lene ki jaroorat hai. Dravid ne kaha, use nishchit roop se Bhaarat ke liye one-day aur tee20 khelne chaahiye, kyonki vah team ke liye aham hai. Kaptaani chhodne se use Bhaarat ke liye mukhya kaam karne ka adhik samay milega aur isse usamein khelne ke liye taajagi bhi bani rahegi. Isse Bhaarat ko aise khilaadi jaise (viraat) Kohli ko ti-20 kaptaani saunpane ka mauka mil jaaega, jisse use break bhi mil jaaega. Fir vah dekhe ki yeh kaisa chalta hai. Bhaarateeya team ke England ke khilaaf haaliya ghareloo test shrunkhala mein lachar pradarshan aur iske baad chir-pratidvandvi Pakistan se one-day series mein mili haar se Dhoni ki kaptaani ki aalochna ho rahi hai. Haalaanki vah balle se achhi form mein hai, lekin kuchh poorv khilaadiyon ko lagta hai ki Dhoni mein bataur kaptaan thakaan ke sanket dikh rahe hain. Lekin Dravid naheen maanate ki is wicket-keeper-ballebaaj ki jagah Bhaarat ke paas koi aur vikalp hai, jisne 2007 twenty-20 vishwacup khitaabi jeet ke alaava 2011 one-day vishwacup ki jeet mein desh ka netrutv kiya tha. Dravid ne kaha ki Dhoni ko apne mein kuchh badlaav karna chaahiye. Unhonne kaha, vah achhi tarah daud sakta hai aur vah Bhaarat ke sabse safal kaptaan ke taur par dekha jaaega aur uske paas ab ise (safal kaptaani kaaryakaal ko) badhaane ka mauka hai. Usaki achhi netrutv kshamata ke alaava ek anya kaaran yeh bhi hai ki is samay Dhoni ka koi vikalp bhi naheen hai.

Dravid Ne Dhoni Se Kaha, Ti-20 Ki Kaptaani Chhodo, Test Kaptaan Bane Raho http://www.angrejinews.com/pic/254