Dravid Aur Maricom Ko Padm Bhooshan, Chhah Anya Ko Padm Shri

Sports »

Dravid Aur Maricom Ko Padm Bhooshan, Chhah Anya Ko Padm Shri

Nai Delhi: Mahaan ballebaaj Rahul Dravid aur olympic kaansya padakadhaari mahila mukkebaaj MC Maricom ko pratishthit padam bhooshan puraskaar ke liye chuna gaya jabki chhah anya khilaadi padak shri puraskaar ki soochi mein shaamil hain. Pichhle saal ke shuroo mein antararaashtreeya cricket sannyaas ki ghoshana karne vaale bhaarateeya 'Deevaar' ke naam se mashahoor 40 varsheeya Dravid ne kareeb 25,000 run banaae hain. Dravid aur Maricom ke alaava chhah anya khilaadi parvataarohi premalata Agrawal, pahalavaan yogeshvar datt, para-athlete HS girisha, London olympic mein rajat padak jeetne vaale nishaanebaaj vijay Kumar, mukkebaaj N dinko Singh aur naukaachaalak bajarang laal taakhad ko padak shri puraskaar ke liye chuna gaya. Poorv bhaarateeya kaptaan Dravid ne 52.31 ke ausat se 164 test mein 13,288 run jabki 344 one-day mein 39.16 ke ausat se 10,889 run banaae hain. Dravid is soochi mein ekamaatr cricketer hain jo sachin Tendulkar (15,645) aur Australia ke Ricky ponting (13,378) ke baad test itihaas mein sabse jyaada run banaane vaale teesare khilaadi hain. Maricom London mein 51 kigra varg mein kaansya padak jeetkar olympic mein padak jeetne waali pehli mahila mukkebaaj hain. Yeh 29 varsheeya manipuri mukkebaaj paanch baar ki vishv champion bhi hai. Is mahila mukkebaaj ne chhah vishv championship mein pratyek mein padak apne naam kiya hai.

Dravid Aur Maricom Ko Padm Bhooshan, Chhah Anya Ko Padm Shri http://www.angrejinews.com/pic/510