Doosra Twenty-20 Romaanchak Mukaabale Mein Teen Run Se Jeeta Sri Lanka

Cricket »

Doosra Twenty-20  Romaanchak Mukaabale Mein Teen Run Se Jeeta Sri Lanka

Melbourne: Sri Lanka ne Melbourne cricket maidaan par somvaar ko khele gaye romaanch se bharpoor doosare twenty-20 mukaabale mein Australia ko teen run se hara diya. Match ka faisala Duckworth-Louis niyam ke tahat hua. Is tarah Sri Lanka ne do maichon ki is shrunkhala par 2-0 se kabja kar liya. Toss haarne ke baad pehle ballebaaji karte hue Australia ke saamane jeet ke liye 162 run ka lakshya rakha tha. Australia ne 10vein over ki samaapti tak do wicket par 60 run banaae the. Baarish ke kaaran paanch over jaaya hue, lihaaja baarish khatm hone par Australia ko agale paanch overon mein 62 run banaane ka sanshodhit lakshya mila. Shaun marsh us samay 22 aur kaptaan George bele 22 par naabaad the. Bele aur marsh ne shaanadaar ballebaaji karte hue score ko 14.2 overon tak 106 run tak pahuncha diya tha lekin isi yog par bele out ho gaye. Bele ne 36 geindon par chaar chaukon ki madad se 45 run banaae. Bele ka wicket 14.2 over mein gira tha. Wicket par aane vaale ballebaaj glen Maxwell ne thisira parera dvaara feke ja rahe 15vein over ki chauthi aur paanchaveen geind par do chauke lagaakar Australia ko jeet ke bilkul kareeb la diya Antim geind par Australia ko jeet ke liye chaar run chaahiye the lekin Maxwell aur marsh ek run hi bator sake. Lasith malinga dvaara feinke gaye 14vein over mein bele aur marsh ne 18 run batore the. Parera dvaara feinke gaye antim over mein mejabaan team ko jeet ke liye 17 ranon ki jaroorat thi lekin romaanchak mukaabale ke baad mejabaan team 14 run hi bana saki. Is tarah Sri Lanka ne yeh match teen ranon se jeet liya. Usane shanivaar ko khele gaye pehle mukaabale mein Angelo Matthews ki shaanadaar paari ke dam par jeet haasil ki thi. Isse pehle, Sri Lanka ne nirdhaarit 20 overon mein chaar wicket par 161 run banaae. Ismein maahela jayavardhane ke naabaad 61, jeevan Mendis ke 25 aur thisira parera ke naabaad 35 run shaamil hain. Jayavardhane ne 45 geindon ki paari mein chaar chauke aur do chhakke lagaae jabki parera ne 15 geindon par teen chaukon aur do chhakkon ki madad se 35 run banaae. In donon ke beech paanchavein wicket ke liye 29 geindon par 59 ranon ki saajhedaari hui. Jayavardhane ne Mendis ke saath chauthe wicket ke liye 63 run jode the. Mendis ne 24 geindon par teen chauke lagaae. Australia ki or se glen Maxwell, James Falkner, ben Laughlin aur Xavier Dorothy ne ek-ek wicket liya.

Doosra Twenty-20 Romaanchak Mukaabale Mein Teen Run Se Jeeta Sri Lanka http://www.angrejinews.com/pic/374