Doosare Match Mein Delhi Daredevils Ka Chennai Superkings Se Saamana

Breaking »

Doosare Match Mein Delhi Daredevils Ka Chennai Superkings Se Saamana

Nai Delhi: pichhli asafalataaon ke bojh tale dabi Delhi Daredevils team aaj (somvaar) Ferozshah Kotla antararaashtreeya stadium ke apne ghareloo maidaan par Indian Premier league (IPL) ke saatavein sanskaran ke apne saatavein aur kul 26vein match mein chennai Superkings ka saamana karegi. Daredevils IPL mein Superkings ke khilaaf pichhle paanch mukaabale haarati aa rahi hai, aur is match mein us par apni haar ke is silsile ko todne ka dabaav rahega. IPL-7 mein Daredevils ka super kings ke khilaaf yeh doosra match hai. isse pehle 21 April ko abu Dhabi ke shekh jaayed stadium mein use super kings ke haathon buri tarah haar jhelni padi thi. Superkings se mile 178 ranon lakshya ke javaab mein Daredevils team IPL ke apne doosare nyoonatam score 84 ranon par dher ho gayi thi. Vatan vaapasi ke saath Kotla mein shanivaar ko hue apne pehle match mein Daredevils ko Rajasthan Royals ne maat de di thi. Daredevils ke liye jyaan paul dyoomini, dinesh kaartik, murali vijay, kvintan di kauk jaise khilaadiyon ne alag-alag maichon mein kuchh aham paariyaan jaroor kheli hain, par ek team ki tarah pradarshan karne mein Daredevils ab tak naakaam rahi hai. doosari or lagaataar paanch maichon mein jeet darj kar Mahendra Singh Dhoni ki kaptaani mein Superkings behad majaboot najar aane lagi hai. Glen Maxwell ki toofaani paari mein kings eleven Punjab ke khilaaf Superkings ne sirf ek match ganvaaya hai. Superkings ke pradarshan ka andaaja isi baat se lagaaya ja sakta hai ki IPL-7 mein ab tak sarvaadhik run banaane vaale ballebaajon mein dvaayan smith aur breindan maiklam kramash: Doosare aur teesare sthaan par maujood hain, vaheen sarvaadhik wicket chatakaane vaale geindabaajon ki soochi mein mohit sharma (11) sheersh par jabki Ravindra jadeja (10 wicket) doosare sthaan par hain. shuruaati teen maichon se baahar rahe Daredevils ke kaptaan kevin Peterson team mein vaapasi ke baad bada parinaam bhale na de paae hon, par team ki oorja mein kaafi ijaafa hua hai. Di kauk aur dyoomini ne hi ab tak apne pradarshan mein thodi nirantarata dikhaai hai. IPL-7 mein ab tak sarvaadhik run banaane vaale sheersh 10 ballebaajon mein Daredevils ke sirf dyoomini hi jagah bana sake hain. Dyoomini ne chhah maichon mein 70.66 ke ausat tatha 133.33 ki strike rate se 212 run banaae hain. Daredevils ka geindabaaji mein bhi ab tak ka pradarshan lachar hi raha hai. Wicket lene ke maamale mein to Daredevils ka koi bhi geindabaaj ab tak sheersh 20 mein bhi jagah naheen bana saka hai. haalaanki Daredevils mein yuva pratibhaashaali khilaadiyon ki bhi koi kami naheen hai. Kedaar jaadhav ne pichhle match mein jis tarah apne behatareen khel se sabhi ko aakarshit kiya hai, usase unhein ballebaaji laainaap mein oopar bulaaya ja sakta hai. do baar ki champion super kings ke khilaaf Daredevils ka pradarshan ab tak kaafi kharaab raha hai. Superkings ke khilaaf Daredevils ko IPL mein khele gaye ab tak 13 maichon mein se nau baar haar ka saamana karna pada hai. Super kings ke khilaaf Daredevils ko pichhli jeet 10 April, 2012 ko Kotla ke maidaan par hi IPL-5 mein mili thi. IPL-7 ki aath teemon ki ankataalika mein super kings jahaan chhah mein paanch match jeetkar sheersh par viraajamaan hai, vaheen Daredevils chhah mein se sirf do match jeetkar saatavein paayadaan par hai. teemein (sambhaavit): Delhi Daredevils : Kevin Peterson (kaptaan), kvintan di kauk, murali vijay, jyaan paul dyoomini, dinesh kaartik, kedaar jaadhav, lakshmeeratan shukla, ven parnel, shaabaaj nadeem, mohammad sami, jayadev unaadakat. chennai super kings : Mahendra Singh dhauni (kaptaan), dvaayan smith, breindan maiklam, suresh raina, Ravindra jadeja, faaf doo plesis, mithun manhaas, Ravichandran Ashwin, ben hilfenahaas, ishvar paandeya, mohit sharma.

Doosare Match Mein Delhi Daredevils Ka Chennai Superkings Se Saamana http://www.angrejinews.com/pic/49608