Disklojar Va Listing Ke Liye SEBI Ke Nae Prastaav

Business »

Disklojar Va Listing Ke Liye SEBI Ke Nae Prastaav

- SEBI ka companiyon ki soocheebaddhata aur khulaase ke liye nae niyamon ka prastaav business desk, Mumbai soocheebaddh companiyon ke liye vibhinn niyaamakeeya praavadhaanon ke anupaalan ko majabooti dete hue SEBI ne soocheebaddhata aur jaankaari saarvajanik karne ke liye nae niyamon ka prastaav kiya hai. In niyamon ke amal mein aane par companiyon ko jyaada-se-jyaada khulaase karne honge. Nae niyamon mein anupaalan sunishchit karne ke liye share baajaar ko jyaada shaktiyaan di gayi hain. Prastaavit niyam SEBI (listing obligeshans aind disklojar rikvaayarameints) reguleshans, 2014 ka anukaran sabhi soocheebaddh companiyon ko karna hoga. Saath hi dibeinchars, bond tatha myoochual fund ki soocheebaddhata ke liye bhi iska paalan jaroori hoga. Antim niyam maujooda soocheebaddhata samjhauton ka sthaan lega jo filhaal share baajaar tatha soocheebaddh hone ki ichha rakhane waali ikaai ke beech ek anubandh ke roop mein kaam karta hai. In niyamon ko sambandhit pakshon ki pratikriya lene ke baad antim roop diya jaaega. SEBI ne prastaavit niyamon par 30 May tak pratikriya maangi hai. 74 prushth ke dastaavej mein prastaavit niyamon mein share baajaaron ko myoochual fund samet anya ke liye jaroori soocheebaddhata tatha jaankaari saarvajanik karne se jude maamale mein ullanghan ko lekar jurmaana lagaane ki shakti di gayi hai. -kya hai masauda masauda niyamon ke anusaar, 'Prastaavit niyamon ka anupaalan naheen karne ki sthiti mein share baajaar soocheebaddh ikaai par upayukt kaarravaai karega. Ismein jurmaana lagaana, nilanban, prarvatakon ki sheyaradhaarita ko jabt karna aadi shaamil hai. ' nae niyam mein sanshodhit company sanchaalan masaude se jude praavadhaan bhi shaamil honge. Ismein companiyon dvaara sambaddh pakshon ke liye len-den ko lekar sheyaradhaarakon se manjoori, gadbadi ka khulaasa karne waali vyavastha ki sthaapana, vetan package par khulaasa tatha company ke nideshak mandal mein kam-se-kam ek mahila nideshak ka hona shaamil hai.

Disklojar Va Listing Ke Liye SEBI Ke Nae Prastaav http://www.angrejinews.com/pic/49810