Dikshanari Mein Mere Liye Nae Apashabd Talaashate Hain Soniya Aur Rahul Ke Log Modi

Breaking »

Dikshanari Mein Mere Liye Nae Apashabd Talaashate Hain Soniya Aur Rahul Ke Log  Modi

File photo File photo Gazipur: bhaajapa ke pradhaanamantri pad ke ummeedavaar Narendra Modi ne aaj kaha ki Congress adhyaksh soniya Gandhi aur upaadhyaksh Rahul Gandhi unhein gaaliyaan dekar unka samarthan karte rahate hain aur unke log nae-nae apashabdon ki talaash mein duniya bhar ke shabdakosh khangaalate rahate hain. Modi ne Gazipur se bhaajapa pratyaashi ke samarthan mein aayojit janasabha mein kaha 'Maan-bete (soniya aur Rahul) subah shaam nai nai gaaliyaan dekar Modi ko support karte rahate hain. Choonki ve desh ki sabhi dikshanariyon (shabdakosh) mein likhi gaaliyaan mujhe de chuke hain. Isliye unke log saari raat duniya bhar ke shabdakosh khojakar nai-nai gaaliyaan laate hain. ' unhonne soniya Gandhi ke 'Oonch-neech' ki raajaneeti sambandhi kal ki talkh tippaniyon ka javaab dete hue kaha, 'Soniya ji ne oonch-neech ki raajaneeti ki baatein shuroo ki hain. Soniya ji. . Hamaare desh mein oonch-neech aur chhuaachhoot ki raajaneeti kisne ki hai? Main poochhana chaahata hoon. Desh aapse hisaab maang raha hai. ' Modi ne misaal dete hue kaha 'Kerala mein Congress ki sarkaar ke ek mantri mujhse milne aae. Ve Gujarat ke vikaas ka model dekhne gaye the. Mere saath unki photo akhbaar mein chhap gayi. Congress ne aur Kerala ke mukhyamantri ne unase javaab talab kiya, kya yeh chhuaachhoot ki raajaneeti naheen hai. ' unhonne kaha, 'Gujarat model ko aatmasaat karne ki pairavi karne vaale ek musalmaan Congress saansad ko party se nikaal diya gaya. Bhaarat ratn lata mangeshakar ne kaha ki agar Modi pradhaanamantri bane to achhe din aaenge. Is par Congress netaaon ne lata se Bhaarat ratn vaapas lene ki maang ki. Yeh oonch-neech ki raajaneeti hai ya naheen, yeh chhuaachhoot ki raajaneeti hai ya naheen. '

Dikshanari Mein Mere Liye Nae Apashabd Talaashate Hain Soniya Aur Rahul Ke Log Modi http://www.angrejinews.com/pic/50108