Digvijya Singh Ne Kabool Kiya Mahila TV Enkar Se Rishta

Breaking »

Digvijya Singh Ne Kabool Kiya Mahila TV Enkar Se Rishta

Nai Delhi: Congress mahaasachiv digvijya Singh ne ek mahila TV enkar ke saath apne rishte ko kabool kiya hai, lekin saath hi kaha hai ki vah apne niji jeevan mein kisi ki bhi dakhalaandaaji ki ninda karte hain. digvijya Singh ne apne twitter account (@digvijaya_28) par kaha, "Mujhe amruta rai ke saath apne rishte sveekaar karne mein koi jhijhak naheen hai. . . Unhonne aur unke pati ne pehle hi aapasi sahamati se talaak ke liye arji daayar kar rakhi hai. . . " ullekhaneeya hai ki Rajyasabha TV ki enkar amruta rai ke saath digvijya Singh ki kuchh tasveerein social media par prakaashit hone ke baad is maamale ne kaafi tool pakad liya tha, jiske baad ab amruta (@amrritarai) ne bhi talaak ka aavedan daayar kiye jaane ki baat twitter par likhne ke saath-saath yeh bhi spasht likha hai ki vah talaak ke baad digvijya Singh se shaadi karne ka faisala kar chuki hain. 67-varsheeya digvijya Singh ki patni ka pichhle hi saal Cancer ki beemaari ke chalte nidhan ho gaya tha. ullekhaneeya hai ki digvijya Singh un netaaon mein sabse aage rahe hain, jinhonne shaadeeshuda hone ke baavajood apni vaivaahik sthiti ko chhipaakar rakhane ke liye bhaarateeya janta party (bhaajapa) ke pradhaanamantri pad ke pratyaashi Narendra Modi ki kadi aalochna ki.

Digvijya Singh Ne Kabool Kiya Mahila TV Enkar Se Rishta http://www.angrejinews.com/pic/49122