Dharmashaala One-day Jeet Ke Saath Shrunkhala Ka Ant Karne Utarega Bhaarat

Cricket »

Dharmashaala One-day  Jeet Ke Saath Shrunkhala Ka Ant Karne Utarega Bhaarat

Dharmashaala: Shrunkhala pehle hi apne naam kar chuka Bhaarat ravivaar ko England ke khilaaf hone vaale mahaj aupachaarikta ke paanchavein aur antim ekadivseeya cricket match mein jeet ke saath shrunkhala ka ant karna chaahega. Shrunkhala mein 4-1 ki jeet ke saath bhale hi England ke khilaaf test shrunkhala mein haar ke ghaav naheen bhareinge, lekin nishchit taur par Michael Clark ki Australiaee team ke khilaaf test series se pehle Mahendra Singh Dhoni ki team India ka manobal badhega. Kaptaan Dhoni bhi kaafi achha mahasoos kar rahe honge, kyonki unhonne series mein achha pradarshan kiya hai aur adhik jimmedaari bhara khel dikhaaya hai. Dhoni nishchit taur par chaaheinge ki Bhaarat jab desh ke 43vein antararaashtreeya aayojan sthal par utare, to bhaarateeya team pichhle teen maichon ki form ko barkaraar rakhe, jahaan usane virodhi team ko aasaani se haraaya. Bhaarat pehle hi shrunkhala mein 3-1 ki nirnaayak badhat le chuka hai, jisse ravivaar ko hone wala match mahaj aupachaarikta ka hai, lekin team prabandhan aur raashtreeya chayanakartaaon ko kuchh vibhaagon par dhyaan dena hoga. Cheteshvar pujaara ko ekadivseeya padaarpan ka intajaar hai aur Saurashtra ke is ballebaaj ko antat: Yeh mauka mil sakta hai, kyonki unhein Mumbai ke khilaaf Ranji trophy final ke liye bhi release naheen kiya gaya hai. Dhoni aamtaur par jaanche-parakhe sanyojan ke saath utarane ko hi tarajeeh dete hain aur ise dekhte hue yeh dekhna rochak hoga ki ab tak bench par baithe rahane vaale pujaara aur amit mishra ko apna kaushal dikhaane ka mauka milta hai ya naheen. Kaptaan ne pichhle match mein rohit sharma se paari ki shuruaat karne ka daanv khela tha, jo chal pada. Ise dekhte hue doosare salaami ballebaaj Gautam gambhir par dabaav badh gaya hai aur Delhi ke is ballebaaj ko mauke ka poora faayda uthaana hoga, kyonki shaayad unhein aage adhik mock naheen mile. Pehle teen one-day mein badi paari khelne mein vifal rahe ajinkya rahaane ko bhale hi pichhle match mein antim ekaadash se baahar hona pada ho, lekin is yuva khilaadi ko bhavishya mein aur mauke milne ki ummeed hai. Agar rohit salaami ballebaaj ki bhoomika mein fit ho jaate hain aur rahaane ko aur adhik mauke dene ka faisala kiya jaata hai, to sambhavat: Gambhir ke paas aane vaale kuchh samay ke liye seemit overon ke maichon mein antim mauka ho sakta hai. Suresh raina achhe finisher ki bhoomika mein khare utarane lage hain, jabki viraat Kohli Ranchi jaisi paari khelkar series ka achha ant karna chaaheinge. Shrunkhala ka antim match dharmashaala se behtar jagah naheen khela ja sakta tha, jo duniya ke sabse khoobsoorat cricket maidaanon mein se ek hain aur Newlands ke Cape Town ya Queenstown ke John Davis oval ko takkar deta hai.

Dharmashaala One-day Jeet Ke Saath Shrunkhala Ka Ant Karne Utarega Bhaarat http://www.angrejinews.com/pic/383